〈新編勸少年歌〉
約1960~1970年間，楊秀卿女士賦閒在家時，常以聽新聞為樂，聽到許多社會事件，是有關少年人加入黑社會引發刀槍衝突，引發感嘆，便自編了《新編勸少年歌》，希望勸現今青少年不要走歪路，要聽從父母的話走往正途。正巧「月球唱片」希望楊秀卿幫他們錄一片"勸世"的專輯，因此，楊秀卿便以此歌錄製，總共約50-60葩四句聯。
〈新編勸少年歌〉 編詞：楊秀卿
列位諸君聽我勸，心肝你著想較長，刀槍兩字毋通耍，免害父母在心酸。
奉勸社會朋友哥，毋通規工想𨑨迌，揣空揣縫惹災禍，毋是動銃著動刀。
一寡無知青少年，不受母訓佮父言，講是時代在轉變，真是無法佮無天。
無法無天黑白變，父母恩情請一邊，忠言逆耳袂覺醒，無彩父母在共伊生。
老母十月的懷胎，辛苦將咱生出來，苦心晟養咱長大，自誤前程不應該。
一寡少年袂曉想，誤入前途失主張，規嚾規掛偷佮搶，歸尾你著歹落場。
