此段為楊秀卿女士示範之咳嗽藥廣告，收錄於微笑唸歌團在2016年所發行的〈唸啥咪歌〉專輯中。〈唸啥咪歌〉是一項音樂專輯的創作企劃，由內到外，從音樂、包裝視覺到MV製作，來詮釋唸歌，以吸引年輕人的概念手法重新詮釋一般人認為傳統的事物。

以下為此藥品廣告示範之內容：

「各位朋友，咱這馬暫且工商服務。因為咱這馬的人，彼个感冒足厲害，遮流感傳行嘛是足厲害，咱這馬欲講的著是號做『唸歌牌潤喉珠』，啥物叫做潤喉珠？遮攏專門佇咧治彼个煞咳、落咳、含痰冷熱咳，囡仔傷風百日咳，查某人踮佇灶跤煮飯嗆油煙呿呿嗽，閣有一種員外咳，按怎叫做員外咳？毋通按呢咳，咳久，你的肺間搧到箅仔骨，肺葉著會頓點、烏ta，著變成Kekkaku肺癆症，遮真厲害，若毋相信你共伊試看覓，所以講咱遮咧『唸歌牌潤喉珠』，不但是按呢，予你會爽聲潤喉，予你嚨喉會清亮，唱歌會好聽，有影無影，試看覓著知影，咱『唸歌牌潤喉珠』，啥物價錢咧？今仔日著是犧牲貼本，予恁貼一个標仔頭、干仔錢，所以咧，簡單提你一罐一百箍爾爾，『唸歌牌潤喉珠』一百箍爾爾。」