說明：「乾隆遊山東」一劇全長約為146分鐘，全劇分為八場。此為第八場，約位於乾隆遊山東完整版影片時間線之1:53:55~2:16:56。
第八場簡介：乾隆回到北京後，封陳寡婦為節烈郡君並賜皇宮，並將張三封為先鋒。此外，也帶兵回到山東打死江阿霸、圍剿康三與詹萬統，並且處決貪官侯食財、救出陳春貴，最後終於將義太子送至北京，一家團圓。
對白：
喂 哪會逐家攏睏去矣
嘿 這个所在我哪會攏毋捌來
抑無 遮是啥物所在唅
講彼啥物話 哪會仙聽都袂明白啊
遮哪會遮爾鬧熱啊
哪會這个渡頭遮爾鬧熱
喂 頭的啊 頭的啊 ［足百〕起來啦
精神啦 精神啦
按怎樣
來到遮 毋知啥物渡頭
我毋捌看過 誠鬧熱啦
待我觀來
講彼啥物話唅
賣物件佇咧喝的 誠濟呢
到底遮是啥物所在
按呢啦
你規氣叫這个北京人客精神起來
（看伊應該按怎樣） 伊定咧出外
較知影遮是啥物所在啦
按呢講也是著啦
喂 北京人客啊 北京人客啊 精神啊
城隍境主
毋是啦
我張三 我毋是城隍境主啦
哎呀 城隍境主
你今會得來排解君臣
你暫時回歸
寡人若是登殿了後
必定降旨往到山東
將你的廟宇再建
金身再裝
寡人確無虛言
今 詬詬唸咧唸啥物唅
喂 譀童
唅
哪會按呢啊
我哪會知
你共叫精神問看覓咧啊
好 我知
精神啊 精神啊
是誰啊是誰啊
勻仔是 勻仔是
這台船遮細个仔爾
閣櫼甲遮濟人
較細膩咧 較細膩咧
毋拄好船反過
是
張三店主啥物代誌
咱的船哪會拂對遮來啊
這个所在我毋捌到
願望北京人客你共看一下斟酌
待我觀來
了矣 哈哈哈
來 來 來 張三
按怎樣
遮就是叫做北京渡頭
拂對北京來囉
是啊
我問你
你欲問我按怎樣
較早你佇魔盤山咧做公道大王毋
著啊 著啊 著啊
這个朝中乾隆皇帝食泔的啊
無毋著啊 彼大食泔 才干焦食泔爾爾
更妙 彼个食泔皇帝不知黑白
有人去奏知食泔皇帝 遣甘國寶征剿你的魔盤山
是
啊彼个甘國寶 你有看見無
有喔 伊若換做死 剁做兩橛 我嘛會認得
按呢更妙 你若敢會認得 好 來
我共你介紹
這个王勇 請張三店主共看予詳細
王勇喔
是啊
我看覓
哎喲 哎喲
譀童 譀童啊
按怎樣啦
彼个你共看覓咧 看一下較斟酌咧啦
彼个是甘國寶抑毋是啦
嘿 我知影
我就是予甘國寶逐啊逐 害我跋落崁跤
所以講 我喙齒才規个齊噗出來
我講話才會按呢嘿嘿叫啦
看覓咧 看覓咧
我看 哎喲 是啦 是啦
我看得上明啦
這个就是甘國寶啦
甘大人啊 歹勢啦 歹勢啦 失禮啦
我欲借問一下 彼个白玉人客
若論起白玉人客 正正就是當今皇上乾隆
哎 我慘囉 哎
皇帝啊皇帝
我在佇店內 講你是食泔的
毋是你食泔啦
就我張三食泔
總是願望萬歲 你著赦赦拆拆咧 後擺我毋敢矣啦
更妙 更妙 哎呀 張三
但是寡人我無過你
這个時陣準備上陸
我猶閣有任務欲來交代你
好啊 按呢我知 我知
感謝當今皇上
好說
小妹小妹精神啊 小妹
我知啦
知按怎樣
咱拄才對山東拂來北京城
你的小妹這个時陣規个戇戇懵懵懵懵戇戇
按呢啦 咱遮頭手的佮二手的 請尪仔的無遐濟啦
致使將這身共放囥咧
放予伊軟膏膏啦
我知啦 眩船啦 眩船
著乎 眩船喔
是啊
欲按怎樣
無要緊 我共偝
我怙共偝的上陸
趕緊拍鐵仔枋
嘿 我知 拍鐵仔枋
捒較去
請頭的佮當今皇上上陸
頭的啊
按怎樣
恁小妹
有影 我煞袂記得
我共抱起來 我共抱起來
包袱仔我共提咧
有請
風調雨順 國泰民安
萬歲聖上無疆 福無疆
劉陽卿平身賜坐
謝主
傳旨（領聖旨）
滿朝諸文武督見
寡人駕遊山東
佳哉有孝子 義士 令寡人無事回朝
猶未離開北京時節
寡人將大清國業交代劉陽卿代辦
寡人一旦若回京而來
總是寡人來加封伊劉陽卿
彩綢百匹黃金千兩 不得有誤（遵旨）
臣 謝主宏恩
退班
迎聖旨
自從寡人下到山東
最可恨狼膽著伊山東樓
也敢藐視寡人
現此時又閣義子受禁在山東監牢
寡人自有主意
傳旨下去（聖旨）
傳張三上金階
張三見皇帝皇皇帝
張賢卿
臣在
寡人自從下到山東
種種受著張賢卿你的掩護
前日保護寡人無事
回歸到北京而來
但是最可恨是山東樓
因為寡人失去銀兩
將寡人押到十字路口
將我拍來錢
藐視寡人太過
又閣康三真斗膽
將過吾兒誣良為盜
送到山東老爺遐
現此時為起我兒受禁在監牢
但是寡人來目睭前
封張賢卿為作前報先鋒
你來帶隊往到山東
總是寡人封你為前報先鋒
你知抑毋知
臣見知
若知就暫時退班
在我朝門外候旨
我富死矣 富死矣
傳旨下去（聖旨）
傳陸賢卿上金階
萬歲萬萬歲
陸賢卿
寡人自從駕遊山東 節婦 孝子 義士
寡人已經回來
寡人奉你往到山東
前往山東樓將江阿霸一干人犯就地處決
是
而後 將山東樓一一送予花婆王氏
倒也謹遵萬歲旨意
二來往到康家 狼膽康三也敢聯絡守備
在山東一帶招軍買馬私欲自反
將一干人犯在山東就地處決
而後 再進到山東府
先排解義子陳春貴
狼膽山東府 也敢收康三幾圓的銀錢
來買足伊山東府 順紲將他以正國法
若是保護義子回朝 寡人自有加封重賞
為臣領旨
退班
領聖旨
寡人已經交代完畢
寡人就無慮退去
啟奏皇上
臣已經照萬歲旨意
一來 往到山東樓
將江阿霸 以正國法
山東樓的代誌嘛已經交代完畢
二來 往到康家
將康三一行要犯以正國法囉
太子已經解救回京而來 請萬歲出旨裁決
陸賢卿有功於國
寡人將你加封二級
謝主宏恩
退班
領聖旨
傳旨下去（聖旨）
傳義子陳春貴上金階（領聖）
來囉 原來就是義父
義子全然不知禮法
傳旨下去（領旨）
委過禮部 帶義子前去傳禮法（遵命）
來來來 我教你講話
我知 我知 我知
按呢喔 真多謝 真多謝
臣 陳春貴見萬歲皇帝皇皇帝
跪下確實陳春貴
正是
為何見寡人不舉頭
有罪不敢
赦你無罪
頭舉起來
好 我知
敢會認得義父
原來就是義父
義子
義父
了啊
傳旨下去（領聖旨）
現此時義子已經無罪
寡人來加封義子陳春貴為義太子 不得有誤
謝主宏恩
萬歲 但不知母親咧
論起節烈 為君寡人我自有主意
傳旨下去（傳旨）
寡人下到山東已經有回見陳寡婦張氏
現此時已經來朝囉
若欲論起伊張氏
現此時年老歲多
寡人封他為節烈的郡君
順紲準備郡君府去共安居 不得有誤（領聖旨）
義子退班
領聖旨 領聖旨
宣張賢卿上金階
萬歲萬歲萬萬歲
眾卿聽者
論起伊張三
自從寡人往到山東
暗中受他來掩護
又閣有功於國
寡人封他為前報先鋒
前報先鋒的代誌也已經完畢回朝
暫時將前報先鋒寄在陸部
寡人封他為鎮殿大將軍
謝主宏恩
退班
領聖旨
寡人已經加封完畢
再傳旨下去（傳旨）
委過工部往到山東城隍廟再建
而後將城隍再裝 不得有失（領聖旨喔）
寡人一切已經完畢
乾隆君遊山東到遮全篇結局
真多謝逐家
