乾隆遊山東-第七段-白玉受困命旦夕，張三義士救駕，康三不仁害無辜，城隍排解君臣安
說明：「乾隆遊山東」一劇全長約為146分鐘，全劇分為八場。此為第七場，約位於乾隆遊山東完整版影片時間線之1:29:38~1:53:55。
第七場簡介：白玉被救出之後，和張三一行人從店內的秘密通道逃出。康三與山東總兵詹萬統帶兵追趕張三一行人，追至海上，張三的船隻因為天神及城隍爺相助，很快的率先到達北京渡頭。康三的船則被遣回山東渡頭，在詹萬統的慫恿下打算化家為國、準備造反。
對白：
兄弟（喔）
奉咱員外的命令
欲將這个北京人客
期待人若睏靜了後
才欲放火來共燒
兄弟咱攢好勢猶未啊（差不多矣）
焦柴棘段攢好勢矣乎
好 咧欲好勢上好
我欲共這箍北京人客捎出來
較停仔火若共點落去
自按呢予伊去做火神爺
共捎出來 共捎出來 共捎出來
喂 兄弟（嘿）
時計將近咧欲到矣喔
這箍北京人客若無趕緊共收挕捒
驚得後擺有禍端佇咧
來 準備好 攢矣
攢好勢 火共點落去
來囉 準備排解萬歲
為何卿家你安知來歷
有所不知
現此時當是危急
總是萬歲綴我來
請
害矣 害矣 害矣
我放火欲來燒 彼个北京人客
我迸囉 忽然間走出一个無熟似的人
害矣 去予救去矣
來啊（喔）
趕緊通知眾拍手 圍咧啊
眾兄弟（嘿）恁逐家款好勢抑未啊（款好矣）盡量喔
內面的物件 所有有價值的 攏共我搬啦
有代誌才算帶恁老板
有聽的無（有喔）
逐家攏夠氣矣乎（差不多矣）
差不多矣毋 若差不多矣 轉來 轉來 轉來
哎呀 冒夜三更要將北京人客放火予伊燒
無疑即刻間有一人來排解 予北京人客無事
你這个張仔三啊
哎 張三
你大三也敢食我小三
交代伊的部下
來遮打家劫舍
現此時老漢財產失去多囉
哎呀 斗膽張三我哪肯放你干休
來啊（喔）
命人趕緊來替過老漢
來寫公文一封
往到守備衙通知守備大人 不得有誤
何事（守備到）
守備大人到 迎接（有請）
守備大人來囉
是啊
聞知守備大人到 有失遠迎
何說此言 康員外 到底啥物代誌咧
有所不知 張三不應該的代誌入門公家
聽老漢說明啊
張三真斗膽 康員外 做你安心
你我合作 準備官軍來去包圍伊店中
順紲活捉伊張三一行人去問罪
是 是 是
我講守備大人你的幫忙
來啊（喂）
通知家人來佮守備大人往到伊張三店中圍困 不得有誤
幸得白玉人客無代誌 已經平安回歸到店中
是 但是張三店主
如何咧
你帶你的部下往到康家打家劫舍
無要緊 彼就是我專門的
驚你萬不得已 伊若去通知官員 欲按怎樣
安啦 伊若無通知官軍 就免講
伊若通知官軍 伊若欲削 我就佮伊削到底
住住了 張三店主咱毋用免武力
抑無欲按怎樣
人說 三十六計走者為先
驚你萬不得已 官軍若是包圍這間店門
咱欲對佗位逃走
安 安 安 安 安
北京人客做你安心
伊若換做起動官軍來佇店外包圍
我另外有一逝生路
唅 你也有造生路喔
是啊 你是為欲按怎樣欲造這條生路
北京人客 我若無講 你就毋知啦
按怎樣咧
較早我就是佇魔盤山咧做賊王
唅 做土匪啊
毋是土匪啦 做賊王 我是公道賊
啊 做賊也有公道的
著啊 啥物叫做公道賊
我解說一下予你聽
我在這魔盤山
你若是孤客寡婦 我攏無劫
抑若節烈孝子義士 攏仝款
我無去共劫
我所劫的就是 土惡世豪貪官汙吏
便對魔盤山來的 我的確共搶
你是按怎樣無蹛在魔盤山
你哪會來到這个所在
人客倌 無講你毋知
都朝中彼个食泔皇帝啦
唅 皇帝食泔
是啊
是按怎樣食泔
我講予你聽
毋知佗一隻官 去奏食泔皇帝
講啥物我蹛佇遐無惡不作
致使食泔皇帝乾隆才派甘國寶興動大軍征剿我的魔盤山
造成按怎樣你知毋
伊的官軍愈刣愈濟
我的一寡嘍囉那刣那少
我看毋是勢 才離開魔盤山
走來到山東開這間店門 加減仔佇咧生活
謼 就是按呢喔
無毋著啊
驚得若萬不得已 官軍若是圍困 一定嘛是難免啊
啊害矣 害矣 害矣
官軍圍來矣
店主 今欲按怎樣
安心 內面小妹啊（喔）
包袱仔款款咧
佮我鬥陣對地道走
對遮來 對遮來
來到店頭大門關閉
欲按怎樣
將大門擊破
衝入來
害囉
入到店中來 已經無看見囉
一定另外有啥物生路
是 斟酌查揣生路
哎 康員外啊
生路佇這个所在
趕緊你我對地道追
害囉 官軍追來囉
店主 今欲怎樣咧
安 安 安
較鎮靜咧 無要緊 較鎮靜咧
嘿嘿嘿 原來就是頭的你喔
是啊 按怎樣
大腸煏脈
代誌破矣喔
是啊
趕緊咧 落船 落船
我拍跳枋
徛予好 徛予好
緊啦開船
好開船 開船
受過張三坐小船而逃啊
守備大人 今欲按怎樣
來 趕緊命令小軍去通知水師營
準備大船靠岸
我是山東城隍境主
自從當今皇上打扮白身來到山東
現此時為著萬歲君臣性命臨危
致使吾神往到北極玄天真武上帝廟
向上帝求借七星寶旗
排解萬歲君臣回北京渡頭
排解萬歲君臣無事回北京渡頭
我已經將遮的山東的官軍搧回歸山東渡頭矣
萬歲君臣無事
待我準備 往前北京渡頭 在萬歲御前來去討誥封啊
萬歲千秋復千秋
未得卿家是誰
小神 山東城隍境主
為何在佇寡人面前咧
啟奏萬歲 自從萬歲君臣有難
小臣往到北極玄天真武上帝廟
向上帝求借七星寶旗
來排解萬歲君臣無事
總是臣 也欲在佇萬歲面前討誥封啊
更妙 真感謝山東城隍境主
來排解寡人君臣無事
若是寡人若是登殿了後
必定命人往到山東 將你的廟宇再建 金身再裝
寡人決無虛言
謝 萬歲萬萬歲
基本資訊
關鍵詞
0則留言
本網站使用Cookies收集資料用於量化統計與分析，以進行服務品質之改善。請點選"接受"，若未做任何選擇，或將本視窗關閉，本站預設選擇拒絕。進一步Cookies資料之處理，請參閱本站之隱私權宣告。