說明：「乾隆遊山東」一劇全長約為146分鐘，全劇分為八場。此為第六場，約位於乾隆遊山東完整版影片時間線之1:13:37~1:29:38。

第六場簡介：白玉得知陳春貴被押後，欲到康家營救陳春貴，卻被康三及其打手們擒捉，準備用火將其燒死。暗中打探的花婆將此事告訴陳寡婦，陳寡婦便到客棧請哥哥張三幫忙，張三率領手下們前往康家準備搶劫，並讓王勇藉機救出白玉。

對白：

老同姒　恁逐家捌我無（啥物人）
我毋是別人　我專門佇咧賣花
我叫做王婆就著啦
 我姓王

按怎樣　你知毋（按怎樣）
自從佇咧賣花
賣來到山東府
看見人真濟
而後我倚去共看
原來就是阮隔壁　彼个陳寡婦［亻因〕囝陳春貴
受人誣良為盜　性命當是危險
予人囚禁落獄
趕緊轉來去通知陳寡婦
陳寡婦啊　有請喔
喔　原來就是王媽媽　啥物代誌
是按呢生啦
我賣花完畢
看見前面佇咧叫鬧
我一下去看
原來就是山東府　為起就伊員外咧
將陳春貴誣良為盜的代誌
從頭到尾你聽我說明啦
哎呀　害我囝無罪囚獄
按呢啦　你趕緊咧啦
看是按怎樣
這層事哪變做這號款啦
就是我兒來過救北京人客了後
為著一條寶帶的代誌
你來聽我說明了
現此時彼个北京人客咧
就是在我家
按呢好　你趕緊去共通知
人伊查埔人看欲按怎有設法
通好來排解陳春貴
阮知您請囉
嘿嘿　
來囉
北京人客有禮
原來就是陳寡婦
正是
來遮何要
有所不知啊　為救我兒
為典當的代誌　現此時無罪煞受囚獄
義子無罪囚獄　不錯
濫糝康三　你真斗膽
陳寡婦做你放心　在家期待
待我準備拚到康家取討我兒
唉　想袂到關門厝內坐　厄從天降來
北京人客往到康家取討我兒
待阮急速在家期待北京人客好消息
來到康家　通知康三（好）
趕緊獻出我兒陳春貴
若無者　踏入到康家寸草不留啊
害矣　員外啊　緊出來喔　緊出來喔
慌忙哪條事咧
咱外口有一个北京人客　講欲來取討陳春貴
你若無獻出去　欲踏入到咱康家寸草不留
更妙　來（好）通知團練勇
袂當放走北京人客　掠起來
看見這个北京人客工夫袂䆀
來（喔）通知所有的拍手
趕緊準備撥馬索將他活捉（好）
來　將細作掠起來
啟稟員外
何也
大鬧咱康家彼个人已經用撥馬索共掠咧矣
更妙　瘦圍
唅　我共你交代
這層事著愛機密
若無機密者　一定是難免
我知　欲按怎機密
將這个北京人客暫時縛在草房
期待三更半暝
命人準備焦柴棘段
活活將這个北京人客共燒死
謼　按呢我知
千萬毋流出外揚
唅啦　我知啦　我知啦
員外你安心　我的確創甲好勢好勢
我來去交代遐的拍手
緊去了
我知　我知　我知
若是無將這个人收拾
最後一定是難免
來小心防守康家
哎喲　今害囉
為著陳寡婦自從來通知這个北京人客
北京人客已經氣到地矣　拚到康家來
今害囉　康家人不止仔濟
彼个北京人客煞予掠去
掠去按怎樣　你知毋（按怎樣）
話起著這个康員外做代誌真夭壽
準備下暗三更時分欲將伊活活燒死
事情緊急　趕緊倒轉來去報告陳寡婦啊
陳寡婦啊緊出來喔
來囉　但不知事者如何
哎喲　陳寡婦無講你都毋知
這个北京人客一下到康家大鬧
無疑內面人真濟啊
現此時煞去予掠去囉
講啥物今日暗三更半暝
欲將他活活燒死
唅　有此情
無毋著
這號代誌今我欲按怎樣囉
陳寡婦　你敢知影這个北京人客　伊來到咱山東蹛佇咧佗位
在佇大哥的店中
在恁大兄的店裡喔
是啊
若按呢　伊的確有同伴的人來
你趕緊　拚到恁大兄彼間店去共通知
先排解北京人客要緊
啊　是　多謝
我厝的代誌交代你為我代顧
你安心啦　你緊去較要緊啦
是　請
山高敢刣人
夜來敢放火
哎　張三
今仔日誠奇囉
北京人客講欲出去𨑨迌
欲去城隍廟口去看正音
哪會一下去遐爾濟工　這个時陣猶未倒轉來
彼就誠奇囉
走
哎呀　大哥
小妹　你哪拂對遮來
大哥　有所不知　代誌不好囉
 啥物代誌啊

為著北京人客
囝兒陳春貴拜伊為義父
將頭至尾　總是大哥你聽阮說明啊
按呢我知
小妹　你為我代顧店門啊　較緊咧
是　遵命
王勇啊　緊出來喔
來囉
張三店主啥物代誌
 北京人客當是危險的代誌

唅　在哪裡
康三遐
恁遮的
這个時陣當咧緊張矣
來（謼）
所有蹛在山東
不管碼頭抑是佗一位
趕緊咱那些兄弟逐家共我叫叫咧
順紲布袋攢咧
抑是車攏好
這馬拚到康家
內面有啥物價值的物件
會搶的　攏愛儘量愛共搶
有聽的無（好）
緊去處理（好）
要到康家　來去排解北京人客啊