說明：「乾隆遊山東」一劇全長約為146分鐘，全劇分為八場。此為第五場，約位於乾隆遊山東完整版影片時間線之57:45~1:13:37。

第五場簡介：陳春貴返家後將當票拿給白玉，發現自己遭到欺騙，便返回當鋪找瘦圍及康三理論。康三用計誣陷陳春貴偷其黃金，並賄賂濟南府貪官侯食財，判陳春貴掌嘴二十下並押入獄中。

對白：

轉來　轉來囉
義父有請
來了
囝啊　你典當寶帶轉來囉
嘿啦　是啦　是啦　是啦
按呢好　當票在哪裡
我提　我提　當票佇遮
提開一觀
哎呀　春貴
唅
這張當票
我當一千啊
我共你講
這張當票　咱拄才才去當的爾爾
伊共我寫講舊年去當的
倒踏年現共咱銷挕捒
你當一千
伊共我寫兩千
唅　誠實有這款代誌喔
是
 按呢伊明明是欲搶人是真

義父
來這張予我
我錢提來去還伊
寶帶我共討倒轉來　我來去
我囝一去　哇　好囉
待我在家期待我兒消息
喂　喂　瘦圍仔啊
小等咧啦
好啦　我咧算數啦　咧欲出來矣
緊出來矣
好啦　我出來矣啦
咑　一千還你　當票佇遮
無啊　是按怎樣　你哪會氣甲按呢生
這當票共我看予明啊
抑當票是寫按怎樣啦
阮拄才才來當的爾爾
今年當的　你共我寫舊年當的
倒踏年現銷挕捒
阮當你一千　當票共我寫兩千
嘿嘿嘿　陳春貴莫受氣啦
這毋是我的啦
內面櫃臺一定寫毋著去啦
若按呢生喔
按呢啦　你佮我鬥陣
咱來去內面　來去見阮員外
看應該按怎樣
看是欲說你的理由
抑是欲如何啦
按呢上蓋好
行　來去見恁老板
我一定欲予你無頭路的
莫啦　莫啦　莫啦　莫啦
小可仔代誌爾爾　拍毋著啦
來　春貴　綴我來　綴我來　綴我來
富貴由天去自謀
萬事放下不留愁
老漢　康三
在佇山東家財普足
在佇山東府連開十三坎的當舖
若論起陳春貴
伊哪有這種皇家的五色絲綸帶
老漢看見絲綸帶不止仔佮意
最後若會得著這條寶帶
也通做我家中的寶貝
老漢我在後堂我就無慮
參見頭家
如何咧　
這个夭壽囡仔
陳春貴毋知影
來遮欲來佮咱番
現此時在哪裡
在外
詔他進見
好　我知
喂　春貴仔　對遮來　對遮來　對遮來
原來就是康員外
不錯　若照瘦圍說道
這張當票已經寫毋著
 老漢我來替數櫃共你會不是

若甲按呢生
總是陳春貴
我對你較失禮
來啦　我有幾句話　我欲對你講　綴我來
嘿　我在　我在
哎呀　春貴
唅　康員外
你實在有影真乖巧
無影啦　康員外　是你𠢕呵咾啦
你今年幾歲
康員外　我今年七歲爾
謼謼　你今年七歲喔
是啊
來　我這錠黃金予你去買四秀仔通好食
毋通喔　毋通喔　嘿　康員外啊
我這个袋仔細仔个爾啦
你莫共我袋破
我無愛　我無愛　不義之財我無愛挃
無要緊　錢你提去無要緊
我無愛　我無愛
陳春貴啊　哎　可惱
年紀足小　也敢侵進我的庫房
偷我的黃金
哎　好該死喔　你啊
啊　康員外　你𤆬我入到庫房
你誣良為盜 彼條黃金你明明強強共我袋入橐袋仔
你共我講我是偷你的黃金
哎　員外　你毋通天不良　地不在啊
瘦圍
遮
將這个夭壽囝帶到山東府不得有誤
 爾俸爾祿，民膏民脂；

下民易虐，上天難欺。
下官侯食財
在山東府身為正堂之職
論起著卑職在此為官
望欲米　望欲多趁幾張銀兩
最後會當庇蔭囝孫榮華富貴
也在坐山東府就無慮了
何事（康員外到）
康員外到（是啊）
啊　毋通怠慢迎接（有請）
請坐
毋知康員外今仔日有何閒暇來到山東府
老爺　我欲來呈告
唅　你欲來呈告啥物人咧
有一个猴囡仔叫做陳春貴
喔　今年幾歲
七歲
七歲孩童　為何康員外你欲來呈告這个陳春貴
老爺　暫等咧　我提
老爺　遮有五百
這个是前謝
你若能將這个夭壽囡仔陳春貴辦成死罪了後
後謝閣再一千
總是老漢交代你
毋知老爺你可願意嘛
唅　前謝五百　後謝閣再一千
是啊
哈哈哈
 按呢定了

總是員外　你先回歸
 毋知陳春貴

現此時交代旁人
更妙 更妙
你先回歸　我一定照辦而行
請了
順行　順行
現趁五百
按呢好　將這五百提來內面交代阿奶收藏了（收起來　收起來）
將陳春貴押上高堂啊
以下敢是陳春貴
是啦　老爺　我叫做陳春貴無毋著
你斗膽　也敢侵入康家庫房來偷康員外的銀兩啊
有抑無　口供招來
我無　是員外共我誣良為盜
哎呀　公祖老爺
我是一个七歲的囡仔
我哪有可能偷入伊的庫房偷提伊的庫銀
這號代誌明明康員外伊欲共我誣良為盜
我無啥物口供通好認啦
 啊啊啊⋯⋯

明明你偷入到康家偷伊的銀兩
這是無毋著的代誌
口供招不招
無做這號代誌　我哪會欲招啊
抗拒不招更妙　來（謼）
將陳春貴押落去掌嘴二十（好　我知 行）
刑具創予好勢
搧落去　抉落去　抉落去
哎呀　紲咧（我來　我來）
啟稟老爺　囡仔不堪重刑
搧十幾个爾爾　規个齊昏去囉
若昏得倒地
命人準備冷水噴面
而後暫時囚禁落獄
好　我知
兄弟啊　囡仔昏倒矣（昏倒矣）水提來
共噴落（共潑水　共潑水）共潑水予精神（潑落）
哎喲　禁子阿　關犯人
啥物人（一个囡仔）　陳春貴
哩落七車
已經將他囚禁落獄
更妙 更妙
 辦事完畢　退堂 走啊