說明：「彭公案之唐家嶺」一劇全長約為109分鐘，全劇分為八場。此為第八場，約位於彭公案之唐家嶺完整版影片時間線之1:40:01 ~ 1:48:47。

第八場簡介：唐雲龍亦不敵峨嵋刺的攻擊，單盧上子也敗在著有七寶衣的晏煙手下。晏煙與慈照老禪師成功救出馬玉龍及邱成。

對白：

必定是清兵上犯

眾位寨主

務須加添注意向前殺

勻勻仔雄勻勻仔是

賊的今仔日我閣再

攻上到了著恁唐家嶺

趕緊束手就捆

狼膽病鬼

今再上進到唐家嶺

諒必你準鳥插翼飛

你也無路

好啦飛有路無路

這个通通攏沒有關係

我共你講

恁爸今仔日我就是

攑峨嵋刺欲共你捽

唅

你有峨嵋刺

頭來唐家嶺煞予你騙去

今仔日我共你講

你若甲是有真實的峨嵋刺

來我雖死無恨

唅真實有影峨嵋刺呢

捽咧你的性命自按呢曲去呢

若有峨嵋刺做你來

若無者我一定斬你的狗頭

來

莫按呢咧滾笑喔死無怪恨的乎

不錯

你若死無記恨按呢好

恁爸這支誠實有影峨嵋刺

恁爸對腹肚共你捽落去

啊

擔有抑無

起來

看有峨嵋刺抑無峨嵋刺

哎喲都無氣矣咧

伊到底死去有甘願無

恁爸共捎起來看覓咧

欸捎起來觀眾看覓咧

觀眾你共看這个面啦

連有變異都無變啦

永遠定定按呢啦

這就柴刻的啊

諸位觀眾伊確實有影死去有甘願

伊攏無變

按呢好死去有甘願

恁爸死體共伊塌挕捒

閣過來

圍來喔

啊你閣走你

乎我今仔日無走

啊無走你今仔日刁意故

閣再二上到唐家嶺

我今仔日就是攑峨嵋刺欲來共你刣

唅

你有峨嵋刺

無毋著

頭來唐家嶺

彼个我是用怙假的

今仔日

用怙正的

嘖

你若真真有峨嵋刺展出來

我恬恬踮咧遮予你拍看覓咧

看你有影有峨嵋刺抑無峨嵋刺

你莫按呢儑目儑目啦

你莫乎按呢一箍槌槌

今仔日誠實攑峨嵋刺知毋

你做你來啦

好好好恬恬徛咧喔

恁爸峨嵋刺捎咧

現共你捽落去

倒落去矣

死無愛死干焦閣遐徛牢牢

喔夭壽穿這領寶甲乎

恁爸這支峨嵋刺共輾落去乎

按怎樣呢

按怎

內面腸仔肚攏規个齊煏開

哎喲

今仔日的確𪜶兜乎

毋知𪜶祖媽做忌抑按怎樣

按呢一共捽落去

內面也有米粉炒也有荷蘭豆

內面逐項都有

規个攏齊煏出來矣

按呢好死好我來共你塌挕捒

圍來喔

勻仔是老大唐飛龍

然也

我今仔日就是

欲來剿捕著恁的這个唐家嶺

無知小輩也敢侵犯著到唐家嶺

看我的大砍刀

來

按呢予你刣袂落去乎

哎喲

莫哀

你身穿西洋的磨子甲

我今仔日就是準備峨嵋刺

欲來相殺著恁唐家嶺的人

有啥物能力

無能力乎按呢好

你恬恬徛咧喔

看我有能力抑無能力

啊

嘿嘿嘿

這支峨嵋刺實在有影有夠厲害

頭一逝來到唐家嶺乎

穿彼个寶甲乎

閣威風凜凜殺氣騰騰

今仔日拄著我這支峨嵋刺乎

一下就好勢矣

死體塌挕捒

圍倚來

丹盧上子

因何咧

我今仔日就是攑峨嵋刺

我欲來相殺著你的性命

嘖

頭來唐家嶺你也假峨嵋刺

今仔日你來你也欲假峨嵋刺

按呢好你若甲真正有峨嵋刺

來

按怎樣你莫傷儑喔

無啊你

面面面共恁爸向甲彼爿去毋

誠實有影呢

峨嵋刺捽落去是殗殗袂消胘呢

有啥物本等你做你來啦

按呢好

我誠實有影用峨嵋刺欲來共你

哎峨嵋刺你看著矣你就走

啊這个內行的看你欲走佗去死

哎喲

閣哀閣走

哎呀

果然晏煙峨嵋刺

趕緊對水路走

走

按呢沉落去矣

按呢好啦按呢也是一步條直啦

按呢跳落水乎後擺欲水流屍的款

你若敢跳落去恁咧

哎喲嗯噗仔佇咧浡

欸丹盧上子

按怎樣來

晏煙看你有啥物才調

你若有才調落水

山人我願當甘拜下風

抑若無才調落水者

後擺我一定也無放你的干休

你請

喔好好好

你掠做講我袂曉泅水

按呢上蓋好

你若敢出喙招呼我就共你落來

嘿

大膽晏煙

水底若是予我被脫

往到著西夏

來去會合著伊

回回安清教的教主合作

一定無放恁的干休

就此我也通

哎喲哪會行水面

著啊我會行水面啊

哎喲

欲藏水沬來藏講

共藏落來

啊

嘿嘿予恁爸捽一下乎

你會靠勢你會泅水

將雙稜峨嵋刺捽一下

伊規个齊死

像水流屍就按呢流去矣

嘿嘿嘿按呢好囉

趕緊來去會見彭公大人

都也真感謝慈照老禪師

今會得來排解著眾義士無事

唐家嶺已經都也擊破囉

也是晏煙你的大功

阿彌陀佛阿彌陀佛

這个毋是我的大功

也是伊慈照老禪師伊的才能

會得叫我往到著這个峨嵋禪院

去偷著這支峨嵋刺

共阮師的乎借這領七寶衣

才有可能踏破唐家嶺

是是是

盜賊既除

日後也通進到西夏平定回回安清教

這是後擺的代誌

彭公案便這个唐家嶺

今仔日拄仔好到遮結果

予諸位觀眾真多謝

謝謝