彭公案之唐家嶺-第七場-得取寶物進攻唐家嶺
說明：「彭公案之唐家嶺」一劇全長約為109分鐘，全劇分為八場。此為第七場，約位於彭公案之唐家嶺完整版影片時間線之1:24:00 ~ 1:40:01。
第七場簡介：晏煙取得寶物後返回彭府，和慈照老禪師商量對策，欲帶領清兵分頭進攻唐家嶺，攻打賊人並救回彭公愛將。慈照老禪師已真言救出被囚的馬玉龍及邱成，晏煙則成功以峨嵋刺打敗唐雲豹、唐雲彪。
對白：
行行行咧
謼阮師的乎
將這領寶衣順紲送我啦
我干焦聽師的佇咧講乎
到底毋知有影好用抑無啦
欸前面閣一口埤佇咧
按呢好囉
我現來去經驗看覓咧
來去經驗看覓咧
謼這口埤凡勢不止仔深的款喔
今害矣今我又閣袂曉泅水
看欲按怎樣
不如按呢啦
我規个目睭放瞌瞌
來共伊行看覓
水面到底毋知有影會行得袂行
按呢好我目睭放瞌瞌
勻仔行來蹽落蹽落蹽落
嗯我是咧行平路抑咧行水面啊
目睭展金共看覓咧
哎喲行來到埤仔中央矣
嘿嘿嘿阮師父閣袂騙我
看你欲藏水沬
藏水沬我嘛袂曉藏
按呢好目睭放瞌瞌
恁爸今仔共你躘落去
欸哎喲衫閣攏袂澹
啊
今我富死矣啊我
也有寶衣也有雙稜峨嵋刺
按呢好囉
趕緊轉來去軍營繳令繳令
本帥彭朋字友廉
晏煙自從出門了後
為何及今猶閣未回
又驚去毋拄好
二位愛將在佇唐家嶺
雖是被捉來講
未知性命如何
來囉
哎喲大人你做你安心
現此時為起著伊
邱成佮著伊馬玉龍
雖是被捉在佇唐家嶺來說
有驚無險
總是期待著伊晏煙若是倒轉來
就是欲來大破著伊唐家嶺的時期囉
是是者
嘿嘿我來我來
大人老禪師我倒轉來囉
晏煙代誌可有成功無
有喔通通攏成功矣
抑若甲成功可以
你在佇彭公大人面頭前請令
行動清兵
目睭前你在佇唐家嶺山下靜待
千萬毋通欲來打草驚蛇
貧僧我先進到著唐家嶺地下室
我先來去排解著伊馬玉龍
佮著伊金眼鵰邱成
貧僧若是救了後咧
我自然會來放信炮為號
你才對山前殺入
我來交代著伊馬玉龍佮著伊邱成
對著這个唐家嶺內面殺出
兩頭攻夾
欲來收復著伊唐家嶺
就則是易如反掌
按呢我知我知
趕緊準備行動清兵
包圍在佇這个唐家嶺山下
期待貧僧的信號
我知我知遵命你請你請
彭公大人我即刻欲佮你告辭
向前唐家嶺先來去排解著二位義士
受本院奉送
不用不用
該然該然啊
人的來守護軍營嶺
待著貧僧內中查揣著你的地道
遮正正就是地道的所在
遮也有後安翻板
待著貧僧對著這个木珠揤落
落地下室排解囉
山人丹盧上子
我奉落到地下室
先來將著伊馬玉龍邱成斬
日後才來進攻著伊軍營
若無收服著你彭朋
難消山人之恨
準備落地道
貧僧在著地道
看你將著伊馬玉龍佮著邱成
現此時在著監牢中
貧僧唸動幾句真言
來將著𪜶兩人
收在貧僧的手袖中
一化
收在貧僧手袖完畢
待著貧僧再準備著紙人
來化成著𪜶兩人的模樣
化
現此時為起著伊丹盧上子
下到地下室來
總是你刣你是刣著這个紙人
也毋是刣著伊本人
待著貧僧先離開地道
而後放信炮為號囉
馬玉龍及伊邱成在著監牢中
待著山人準備將他殺
殺殺哎呀
彼就奇囉
若欲將𪜶兩个人殺
為何即刻間變成兩身的紙人
哎呀
其中必有緣故
報
喝殺連天
莫非官軍侵犯到著唐家嶺來啊
來啊
報著三位寨主向前擋咧
我攑這才有價值
恁逐家乎毋通食薰啦
毋通食薰
食薰拍歹身體
檳榔毋好食
踮遮小可歇睏
來期待著伊老禪師伊的信炮
若是看見信炮發乎
佮我鬥陣殺上到唐家嶺
喔老禪師代誌成功來啊
行動清兵殺上唐家嶺
基本資訊
關鍵詞
0則留言
本網站使用Cookies收集資料用於量化統計與分析，以進行服務品質之改善。請點選"接受"，若未做任何選擇，或將本視窗關閉，本站預設選擇拒絕。進一步Cookies資料之處理，請參閱本站之隱私權宣告。