說明：「彭公案之唐家嶺」一劇全長約為109分鐘，全劇分為八場。此為第六場，約位於彭公案之唐家嶺完整版影片時間線之01:08:17～01:24:00。
第六場簡介：晏煙來到千佛山真武境，遇見紅蓮長老。晏煙原本欲偷取七寶衣但三次失敗，後來拜紅蓮長老為師，紅蓮長老因師徒情份將七寶衣贈與晏煙，並要晏煙五十歲時返回千佛山真武境。
對白：
一個小小僧 分毫不染塵
貧僧紅蓮長老
修行在千佛山真武頂
貧僧伏望修來世因果
喔
為何一時間心驚眼跳
其中必有緣故
屈指一算
阿彌陀佛
擱一卡久阿為著伊雲中老鵬晏煙
來到著千佛山真武頂
貧僧伺候了
弟子拜見佛爺
阿彌陀佛
來者可是雲中老鵬晏煙
哎喲 佛爺 咱素猶閣毋捌見著面
連我的外號連我的名
你也煞共我叫出來
不但講你的名姓佮你的外號
連你今仔日來到千佛山真武境
啥物代誌我攏嘛知
抑無你知影啥
你敢毋是來遮欲共我借七寶衣
哎喲 你哪會通通攏知影
抑若甲知影你彼領七寶衣
毋著趕緊踮咧路仔頭等我
亂來你
是 佛爺 歹勢啦歹勢啦
我咧佮你講笑的啦
你今仔日來遮
就是欲來借彼領七寶衣
彼領七寶衣甲是貧僧的鎮寺寶貝
哪有將寶貝來借別人咧
欸 如何咧
這个是按呢喔 我共你講喔
我今仔日是好意來共你求喔
你若甲欲提出來就提出來
你若毋提出來 我善中求
這馬紲落欲用惡中取的喔
唅
惡中取 你毋著欲來偷提的款
不錯啊
限幾年啊
限幾年
我定定搬你這站就好矣 欲幾年
無欲偌久
限下昏暗 初更 二更 三更
我見面將你這个寶衣
我的確共你偷出來
按呢好
一約
的確無二約
今日暗三更我的確偷你的寶衣
你請
若論起著伊晏煙佮貧僧都也有緣
你若甲欲來偷我的寶衣
貧僧我自有主意你囉
誠趣味啊嘿
看見著這个佛爺逐項攏知影
若甲真知影我欲來共你借佛衣
你應該你無著按呢
挔去路仔頭等我按呢毋才著
按呢好咧
我佮伊限三更矣
三更彼个寶衣
我的確共賺食轉來
等更鼓
初更矣 按呢好 跳入來
嘿嘿 我看見著這个佛爺乎
頭殼實在有夠歹
吊佇前面彼領一定是七寶衣的款
抑若甲七寶衣乎
就是恁鎮寺的寶貝
喔 誠拄好
遮閣一塊桌仔排佇遮
我跳到桌仔頂
出手共搦兩下就落來矣
甲也毋免兩分鐘久
按呢好
好囉展著我的輕功［足百］到桌仔頂
嘿咻按呢伸手窸倏
哇 哪會按呢生仔煞反輾轉
哎喲 佛爺 佛爺 我得欲無氣矣
緊出來 緊出來
哎喲 我會死喔 我會死喔
哎喲 哎喲
晏煙
唅
寶貝有偷去無
無啊 甲遐好死人命
可願臣服
無啦 初更爾 猶閣兩更喔
我的確無服的閣兩更嘛
晏煙你全然不知貧僧
內中佈置暗中機關的厲害
紲來你難免再中貧僧的機關囉
夭壽喔 連桌仔講也袂用得［足百］起去
我無［足百］起去這隻桌仔伊也袂搖
一下［足百］起去 這隻桌仔閣會搖
閣攏徛袂牢 徛袂牢無要緊
彼塊桌仔閣會反輾轉
對我的腹蓋 共恁爸硩牢咧
夭壽喔這个佛爺有夠
二更到矣 按呢好 跳入來
完全七寶衣閣吊佇咧遐
照我想起來
內面椅仔桌仔攏袂磕得
袂磕得 按呢好
我用著我的抈壁的工夫
從按呢抈去頂頭
出手共這領寶衣共擢咧就落來
按呢好 我用著抈壁工夫
牢咧 閣［足百］起來
哎喲 害矣
師的啊 師的啊
緊出來啦 我欲無氣矣
敢若蜈蜞共我扱牢咧啊
哎喲 師父啊 緊出來啦
緊出來啦
晏煙
共偷去未
猶未啦
可願臣服
猶閣一更咧
我一定不服的啊 你請
哈哈哈
誠緊 三更矣
按呢好跳入來
壁的 椅仔桌仔攏袂磕著
便見是磕著 嘿 實在有夠厲害
啊[亻因]內面的這个物件哪會這个款
攏袂用得磕得
若閣袂用得磕著
我今仔日愛著展著我的輕功
雲中老鵬的輕功
來偷著你這領寶衣
按呢好展著我的飛行功
哎喲 哎喲
哎喲 哎喲 我會死喔哎喲
晏煙
唅
物件有偷去無
無啦 甲遐好死人命
哎喲 老禪師
你內面哪會遮爾奇怪
椅仔桌仔攏袂磕得
連壁嘛袂磕得
我展著我雲中老鵬的工夫
欲來偷這領七寶衣
哎喲 這个蜘蛛絲
袂輸敢若草索仔遐大箍
按呢對我的身軀共我纏牢咧
纏咧到地 強強欲無氣
佳哉 好咧佳哉是佛爺你出來
欲無我這聲
我的確予遐的索仔
活活共我束死
晏煙
唅
所以貧僧共你講
你欲來偷我這領寶衣
一定是無遮爾簡單
若是貧僧的內中
攏全是暗中的機關
連看你都看袂得通好著
按呢今仔日
你一旦來到著這个千佛山真武頂
貧僧都也見佇你
佮我也有師徒的緣份
目睭前是猶閣會
總是期待你若是五十歲拄好滿
愛著來到千佛山真武頂
來遮落髮為戒
貧僧我才正式收你做徒弟
按呢喔
是
但是你若甲欲來幫助著伊彭公大人
我一定將著這領七寶衣送你啦
師的
按怎樣
你就按呢誠簡單矣你
我看你按呢跳起去
將按呢共搐落來
是啊
哎喲欲知我嘛用你這步
你便若一出手
內中便有暗中的機關
這領七寶衣的確予你偷袂去
師的啊 這領七寶衣是啥物效用唅
你若這領七寶衣幔在著身上
毋驚寶刀寶劍
不但按呢 你若是有看見水
你這領若是穿咧
就也可以行水面而行
唅 也會行水面喔
不錯 不但按呢
你若藏水沬落水
［足百］起來衫褲連澹攏袂澹
喔 按呢我富死矣我
師的 你這領欲借我毋
不但借你
你我師徒緣份
我這領寶衣送你
都也真感謝師父
師父在上
受弟子寄名的徒弟幾拜矣
你愛著會記得
五十歲若是滿
愛著即刻來到千佛山真武境
若欲無驚得你夭折而亡啊
唅
會夭壽死喔
不錯
按呢我知 弟子謹記在心
我就準備要來去幫助著伊彭公大人
大破伊唐家嶺
去者無事愛小心
受弟子拜別
不用
該然該然呢
徒弟晏煙去去了
小和尚
阿彌陀佛
在千佛山 口唸阿彌陀佛
