說明：「彭公案之唐家嶺」一劇全長約為109分鐘，全劇分為八場。此為第四場，約位於彭公案之唐家嶺完整版影片時間線之36:55～48:16。

第四場簡介：晏煙來到峨眉山的峨嵋禪院，騙小和尚哈嘻自己叫做「了盡的」，要來拜非非和尚為師。哈嘻不疑有他，領著晏煙拜見非非和尚。晏煙也順利的瞞過非非和尚，對天發誓之後成功成為非非和尚的徒弟。

對白：

嘿嘿嘿

口唸阿彌陀

阿彌陀

消災是保平安

保平安

諸位施主恁逐家捌我無

毋捌你呢

我就是在著這个峨嵋山峨嵋禪院

我就是一名的小師父就著啦

我叫做哈嘻的

我蹛在著這个所在乎

拜阮這个師的

確實有影天下間誠出名

抑若甲出名乎就是師仔出名攏仝款

通通攏一樣

小和尚啊

踮咧遮乎峨嵋禪院小顧咧

顧咧

我來

禪師

喔 我掠做是啥物人咧

原來就是施主倌

啊你來到著阮這个峨眉山峨嵋禪院

喔遮就是峨眉山峨嵋禪院喔

是啊

啊你

我自我介紹啦

我就是峨眉山內面乎的知客僧

知客僧我一个俗語的號

叫做哈嘻的啦

哈嘻小師父喔 阿彌陀佛

阿彌陀佛 阿彌陀佛

毋知施主你來遮欲創啥唅

啊就按呢生啦

我自從細漢就誠歹育飼啦

阮老爸老母當天共我下

下講我這个病若是會好乎

將近差不多二十捅歲仔講

叫我愛著來食菜出家啦

抑若食菜出家了後乎

這个就是欲還願啦

謼 按呢喔

是啊

你哪會知影

來到著這个峨眉山峨嵋禪院

我就四界探聽 探聽偌久咧

明其知影乎 這个主持確實有夠出名

我今仔日刁意故

無惜千里的路途

來到峨眉山峨嵋禪院

欲來拜伊 恁師父啥物人唅

嘿嘿 阮師父叫做非非和尚啊

著啦著啦非非和尚無毋著

我雄雄煞去予袂記得去

欲創啥

拜做師父啊

按呢喔

是啊

你的名叫啥

我 嘿嘿 我的名自我介紹

我的名叫做了盡的

名號做了盡的

是啊 就阮老爸老母共我號的

嘿嘿 按呢上蓋好 閣古錐古錐喔

了盡的了盡的

按呢無要緊 你佮我鬥陣

我來去揣阮師父

看應該阮師父

欲共你收留毋共你收留

我是無共你負責

著啦著啦著啦

感謝感謝小師父

綴我來 綴我對遮來

阿彌陀佛

落髮出家入沙門

敲鐘擂鼓定晨昏

善男信女歸佛界

化作年年十八春

貧僧

阿彌陀佛

非非禪師

在著峨眉山峨嵋禪院

在此修身養性教徒傳藝

貧僧守住在著峨眉山

我是無慮

報咧

師父 阿彌陀佛

來此何也

啊都誠拄好乎

有一个施主蹛佇咧遠方

伊的名講叫做了盡的啦

探聽真知講

師父你在著社會上的聲名

來遮就是欲來拜師的你做師父

喔

趕緊傳進

好 我知

了盡的啊 阮師父講叫你對遮來

我來 我來

抑無哈嘻小師父 抑無按怎樣

阮師的講欲見你的面啊

趕緊向前去見伊

坐佇遐彼个毋

是啊是啊

按呢我來去見師父

師父坐上

我叫做了盡的 拜見師父

喔 你的名叫做了盡

是啊

為按怎樣上進到峨眉山峨嵋禪院

來此何也

來遮我就是欲來拜你做師父啊

啥物緣故

自從我細漢乎 誠歹育飼啦

阮老爸老母伊有當天來共我下啦

講叫這个天公祖乎

著庇佑我這个病若是好了後

若是二十歲到

愛著趕緊來到著這个所在

來拜一个道祖

按呢就是阮老爸老母

伊共我還願的

嗚呼

果然有此情

是啊

這个代誌確確實實的啊

按呢更妙

你若甲欲拜貧僧為師

愛著當天設誓

了盡的

按怎樣 你聽有抑聽無啦

我欲哪會知

咱師的就毋知咧講啥

我聽無呢

叫你當天咒誓啦

喔 當天咒誓號做當天設誓喔

是啊

按呢我知我知

師父 我咒予你聽我咒予你聽

天啊

無你創啥啊你

無你塗跤咧歕塗粉仔毋

無啦 天較懸毋著較大聲咧

地較低 毋著較細聲咧

天地平懸啦

有影乎天地平懸 按呢我知

天啊地啊 我毋是別人

我叫做了盡的啦

我自從細漢就誠歹育飼啦

致使這趟探聽

知影講峨嵋山峨嵋禪院

這个主持都也真勥

我刁意故無惜遠路來到著這个峨嵋山

來拜

無咱師父啥物名唅

非非和尚啦

喔 我來拜著這个非非和尚做師父啦

啊我後擺師仔若是僥師父乎

我就甘願雷拍天 火燒煙

椅頭仔摃輾轉四跤向上天

師父啊 按呢會使得袂唅

嗯 可以

按呢會用得矣毋

著啊

趕緊𤆬伊內中休息

我來揀一个良道吉時

來將著伊了盡的

順紲來共伊落髮出家

按呢我知我知

了盡的行行行

綴我來去禪房 綴我來去禪房

好好好 師父你請你請

小和尚

喔

無事小心守護峨嵋禪院

阿彌陀佛