說明：「彭公案之唐家嶺」一劇全長約為109分鐘，全劇分為八場。此為第三場，約位於彭公案之唐家嶺完整版影片時間線之27:40～36:55。

第三場簡介：慈照老禪師來拜訪彭公，並且吩咐晏煙前往峨嵋山的峨眉禪院破九龍神火鞭、尋找峨嵋刺，並且到千佛山真武境會見紅蓮長老，向他借用七寶衣，才有辦法打敗唐家嶺的盜賊。

對白：

自如觀心亂

掛心意懸煩

本帥在佇唐家嶺險險誤送性命

若毋是伊晏煙暗中排解

本帥一定是難免

我自從來到十里所在安紮營寨

欲來期待著伊晏義士

為何及今猶閣未曾回營

阿彌陀佛

大聖大聖北斗起元光

靈界靈界三災三災四災厄

阿彌陀佛 阿彌陀佛

嗚呼

原來就是慈照老禪師

待到我準備迎接

有請

彭公大人

仝坐 仝坐

不知慈照老禪師到 卑職有失遠迎

阿彌陀佛

衝碰來驚動著彭公大人

該貧僧之故

欸

毋知慈照老禪師有何前來教示

這是按呢 教示我是毋敢當

但是貧僧見著未來過去的代誌

彭公大人你奉著萬歲的旨意

要到西夏平定回回安清教

來到朝天嶺

來到此地正正就是唐家嶺的地界

受著盜賊包圍二義士隨時被捉來講

目睭前猶閣有驚無險

晏煙不久伊都也可以再回歸到營中

來會見著元帥你

但是這个時陣

貧僧我欲來向你通知

但是為起著伊唐家嶺的兄弟

個個正是身穿西洋的磨子甲

不怕寶刀寶劍

這个貧僧我若無趕緊

來到著軍營 會見著彭大人你

但不知晏煙這个時陣伊

一定會無代誌回歸到軍營

貧僧我自有暗中佈置

最後欲來破伊唐家嶺

這个是真簡單的代誌

是 是啊

真感謝佛爺你來幫忙

我來 我來

原來就是大人

佮著慈照老禪師你也來囉

不錯 晏煙無事倒來矣乎

是啦 是啦

我通通攏無代誌轉來矣

今 晏煙起來 塗跤遮坐

我知 我知

彭公大人 你來安紮營寨

諒必無啥物代誌乎

是是是 本帥平安都也無事

晏煙

有

慈照老禪師

你毋知有啥物交代無乎

一旦欲來破這个唐家嶺

是無遮爾簡單

愛著先來去借寶貝

若無寶貝

一定是難得破伊的西洋磨子甲

哎喲

這个代誌老禪師你也知喔

貧僧未來過去的代誌

啥物我攏嘛知啊

著著著 我煞袂記得

也今總是老禪師

欲按怎樣來破著伊的唐家嶺

這个總是貧僧我欲交代

你也假做瘋癲痟 你會曉袂

乎 激調皮的代誌喔

是啊

這个是我專家的

我攏專家的

抑無到底老禪師

你哪會問我按呢生

總是晏煙你較來咧

閣較來咧

乎 乎

耳空小借我一下

我知

來 老禪師這馬按怎樣

你欲共我講啥物細聲話

嘿嘿嘿 按呢拄仔合我的意

按呢誠好 按呢誠好

嗯 頭一逝欲到著峨眉山峨嵋禪院

著

抑若這支峨嵋刺

就是佇咧峨眉山的喔

無毋著的代誌

按呢 老禪師你若交代我的代誌

我的確辦甲清清楚楚

啊今仔日都也真感謝老禪師你

抑若這支峨嵋刺乎

我都也真有佮意

甲叫我到峨眉山峨嵋禪院

按呢總是老佛爺我這个時陣

慢且

老禪師別外敢閣有啥物交代

你若往到著峨眉山

破伊九龍神火鞭

共攑著這支峨嵋刺了後

按怎樣

再到千佛山真武境

欲創啥

去會見著伊紅蓮長老

乎 紅蓮長老囉

無錯

欲創啥

共求借七寶衣

猶閣有一領七寶衣毋

著 這領七寶衣奧妙的厲害

你全然猶閣不知來歷

你應該愛著得著這領七寶衣

才有可能大破伊唐家嶺

按呢我知我知

若是佛爺交代

我這个時陣即刻來去到峨眉山

佛爺及大人

這个時陣受我拜別 拜別呢

啊 手下

命人在內中排宴款待老禪師

請