說明：「彭公案之唐家嶺」一劇全長約為109分鐘，全劇分為八場。此為第二場，約位於彭公案之唐家嶺完整版影片時間線之16:02～27:20。
第二場簡介：晏煙和唐家嶺盜賊交手，單盧上子的丹田一口氣也打不倒他。而唐雲彪、唐雲豹在言談之中洩漏了寶甲的秘密，被一旁的晏煙偷聽到了，知道峨嵋刺可以攻破防禦用的寶甲，晏煙便以此為計，謊稱自己有峨嵋刺以嚇阻唐家嶺盜賊。此計奏效，盜賊們心生畏懼，逃回唐家嶺。
對白：
抑無歹看面的
你啥物人啊你啊
唐飛彪來者
你毋捌我毋
彼莫怪
我報一下予你咬芳咧
我一个外號叫做雲中老鵬
姓晏一字叫做煙啦
也敢著來排解著伊贓官彭朋
真斗膽啊你
對著這个彭公大人你無尊敬
來
共恁爸跪落
予我提索仔來縛
抾石頭共你撼跤目
日後在佇彭公大人面頭前結案
若是講一聲毋
恁爸這支劍欲食人欲食人喔
有啥物本等
講有本等無本等 來
喔 哪會遮𠕇
欸 可惡
哎喲
追
來者瘦猴是誰
你毋捌我毋
我就是叫做雲中老鵬晏煙
誠可惡 你也敢來藐視著伊彭公大人
個個共我束手就捆
有啥物能力
看恁爸專用的這支劍
喔 哪會韌布布
仙插插攏袂落
瘦猴子你
哎喲
死妖道
你的面哪會按呢花豹豹你啊
抑無到底啥物人你
山人丹盧上子瘦猴你
你毋捌我莫怪啦
我雲中老鵬叫做晏煙
因為使用著這粒鐵砂卵
挵一下頭殼想欲予你破
無疑你閣目睭金 你閣走真緊
藐視著彭公大人
趕緊共恁爸束手就捆
難道晏煙你有啥物能力
有能力無能力你恬恬
嗯 逐家哪會攏仝款按呢
仙揬揬袂落去 可惡你
丹田一口氣
難擋山人丹田一口氣
茫迷不知 順紲將
哎喲
嘿嘿 我就知影你這隻死妖道
逐家攏是下五門之輩
逐家攏是用迷藥
啊毋知的人
才來中著你的丹田一口氣
今仔日我是內行的 我毋是外行的
你若甲走去乎
恁爸無共你追袂用得 掠你
欸 瘦猴咧
無是走佗位去矣
咱兄弟欲來擒捉著這个瘦猴
伊都也真可惡
準備著伊的利劍
伊就想欲來傷害著咱兄弟喔
就是講按呢毋
咱兄弟個個身穿西洋磨子甲
不怕寶刀寶劍
哪有驚你彼支利劍
就是講按呢毋
咱的寶劍乎 若論起
不管啥物物件欲刜咱兄弟的身
這个寶甲一定是無可能
著啊
咱的寶甲最驚就是這支峨嵋刺
若有這支峨嵋刺
才有可能來破著咱的寶甲
不錯
來
趕緊四界搜山調查瘦猴
好
謼謼 就是按呢生喔
𪜶兄弟身穿西洋的磨子甲
寶刀寶劍就刣袂落去囉
閣看甲我這支漚劍
嘿嘿嘿
你的祕密若甲予我知影乎
你身穿寶甲 最驚這支的峨嵋刺
抑今我欲怎樣囉
按呢好
人佇咧講這个賊乎
戇賊戇賊啦
我用怙這步來去共你騙
來去共你賺食
看你會驚抑袂驚
按呢好 加減來去試看覓咧
試看覓咧
瘦猴家己來上好
抑無按怎上好
我共你講喔 你莫傷儑喔
我是無愛傷害著恁的性命
喔 你掠做我咧驚你
來來 我共你講
恁兄弟身穿西洋的磨子甲 著無
哎喲
免掣免掣免掣
你定定共我唱的
欲按怎樣
按怎樣較等咧你就知
我提啦
無啊 你咧看啥啊你
你做啥物啊 你啊
我做啥物
你共我恬恬就好啦
較停仔我若攑起來
較停仔你就知 我捎
恁爸這支雙稜峨嵋刺
就共你捽
欸 有效喔有效你閣走講
喂 袂用得
這馬伊走 我也走乎
驚去毋拄好去予看破
按呢好囉 既然甲走
恁爸無加減共你追袂使得
掠掠掠
這支峨嵋刺捎起來
哎喲
閣走
追追追
瘦猴你插翼飛無路
飛有路飛無路 這个通通沒有關係啦
我共你講喔
你袂當掠做我佇咧驚你喔
我是加減仔讓手
但是你賊的啊
我共你講 恁兄弟逐家
攏穿這个西洋的磨子甲 著無
哎 你哪會知啊
當然我是知影囉
今仔日你若甲想欲追乎
你就按呢共徛咧
我攑 我攑
你咧創啥啊你啊
創啥 你恬恬你就知影
較停仔我若攑起來乎
捽落去你就知
恁爸褲頭這支雙稜峨嵋刺捎出來
恁爸就予你
走 追追追
好 勻勻仔是 勻勻仔是
瘦猴如何咧
這个是按呢生啦
你佮我乎
若欲踮咧遮拍乎
拍到明仔載佮後日 通通攏一樣
無欲如何咧
欲按怎樣毋 你小等咧
你穿的這領八卦衣乎
一定是西洋的磨子衣的款
哎喲
免掣 免掣 免掣啦
我攏內行的 我毋是外行的
來 我攑
無你共我看按怎
你足橫逆啊你啊
欲提物件 欲創啥
踮遐看你就知影
恁爸這支捎起來乎
你最驚就是磨子甲
啥物磨子甲
毋是 最驚就是峨嵋刺
唅 你
我按怎樣
恁爸褲頭這支峨嵋刺捎起來
就共你捽落去
嘿嘿嘿 按呢閣有通
會用得 會用得矣
繼續閣用 閣用
哎喲
免走啦 免走啦
哎呀 害囉
論起著伊瘦猴晏煙
明其真知阮兄弟所穿
就是西洋磨子甲
伊有這支峨嵋刺
按呢即時就來啊
毋通久戰 趕緊逃回唐家嶺
走啊
好啊 喝一个命令乎
一寡賊閣走甲無半个
抑若甲走 我毋通閣再追矣
到底毋知彭公大人是按怎樣
按呢好囉
待我準備來去會見著彭公大人
轉來 行咧
行啊
