說明：「年羹堯」一劇全長約為76分鐘，全劇分為十場。此為第十場，約位於年羹堯完整版影片時間線之55:00～01:16:35。
第十場簡介：
年小兒和養父年祿一樣同為年家奴僕，侍奉假冒成少爺的年寶寶，備受欺凌。年小兒在逃避年寶寶的追打之時，偶然預見了春花，春花看見了小兒額頭上的紅痣，認出他就是自己的孩子。此時，年寶寶帶著老爺(年遐齡)和郡主前來，企圖誣陷年小兒，正巧算命師遊方經過，意外讓年福說出十八年前收養年小兒的真相，年小兒的身世終於大白。老爺便請遊方為年小兒取一個新的名字，即是年羹堯。
對白：
啊 命運不通真怪哉
黑雲遮罩棟樑材
天啊 我年小兒命運按怎遮歹
父為奴 我為僕
隨少爺學堂讀書
少爺有書不讀 有字不識
學堂的先生也真感嘆
所以有時陣
學堂的先生也會教我漢文
現在毋是我年小兒佇咧自誇
我有書無不讀 有字無不識
唉 這一切嘛是我人生的命運
小兒喔 你佇佗 小兒喔
害囉 害囉 少爺又閣咧叫
逐日少爺學堂轉來
每日攏將我當做馬騎
騎是猶無要緊
又在我的背上馬上加鞭
打得我寸骨寸傷啊
小兒啊 你佇佗啊
看我一世人佇年家要如何過日咧
小兒啊 少爺咧叫你喔
啊 來囉來囉
少爺 啥物代誌
小兒啊 你一个人佇遐㴙㴙唸
是咧唸啥唅
我揣你 你哪會攏無咧應唅
無啦 少爺 我拄才都咧打掃花園啦
對少爺你乎 若較有怠慢的所在
對少爺不住啦乎
少爺 毋知你有啥物吩咐咧
來來來 今仔日本少爺我真無聊
來 閣做馬予我騎
這這 少爺少爺
按怎
咱來參詳一下好無
欲參詳啥
我會當做馬予你騎無要緊
但是請少爺你乎
莫閣對我馬上加鞭啦
因為我被你打得遍體乎
按呢寸骨寸傷
請少爺你手下留情啊
免講免講 彼馬若無拍乎 煞會走
你若毋予我騎乎 我欲共阮阿娘講
好啦 好啦
阿娘 阿娘
好好好 少爺
好啦好啦 我做馬予你騎就是啦
抑無緊越過
好好好
覆予好喔 尻川較翹咧
來來來 欲騎起去喔
讚讚讚 準備馬上加鞭
行行行 踅一輾踅一輾
催馬加鞭往前走
四處環遊走一番
哎喲 阿娘喂 我的頭殼哪會遐疼
謼 塗跤澹澹
喂 老的啊
小兒啊 你有夠可惡的
做馬予我騎 刁工共我偃倒
害我頭殼摃一空
好好好 我若無共你教示乎
你毋知影本少爺的厲害
哎喲 無啦 少爺請饒命
閣敢走 看你佗位走
莫走 小兒閣走講 莫走喔
我毋是故意的 少爺你原諒我啦
閣走講
少爺 歹勢啦 歹勢啦
閣再走
少爺 我毋是故意的 少爺
徛予好喔
少爺 少爺
你閣走
徛予好
你今這馬是佮我咧覕相揣的款喔
本少爺無拍著乎 毋甘願
莫走莫走
救人喔 救人喔
莫走莫走
救人喔 阿姆 救命咧 救我救我
欸 老查某 閃開喔
抑若無連你拍參咧喔
欸 小少爺 到底是發生啥物代誌
你共阿姆講 阿姆替恁來解圍啊
毋免你這个老查某管喔
緊閃開喔 閃開喔
啊好好好 若毋閃乎
我欲去共阮阿娘講
阿娘喔
這位小哥
恁是為了啥物代誌佇咧冤家
這位阿姆
我的老爸佇內底面佇咧做奴才
所以我嘛是奴才啦
就是這乎
我的少爺靠伊阿爸佮阿娘的勢力
每日攏將我 人當做馬佇咧騎
又閣對我馬上加鞭
你看 阿姆 伊規个共我拍甲
尻脊骿按呢規个寸骨寸傷
唉呀
我實在是無法度
實在是真可憐啊
欸 欸
阿姆 按怎
小哥啊 你額頭這是啥物呢
會用得拆起來我看覓咧無
毋通毋通毋通
阿姆 我頭殼毋知生一粒
這是啥我嘛毋知
但是我的阿爸佮阿母有對我講
若是講乎 拆下我這个藥膏乎
彼是會折壽喔
所以阿姆啊 毋通拆 毋通拆啦
你的阿爹是啥物人
我的阿爹佇內底面咧做奴才
叫年福
唅 你的母親咧
我的老母是馬氏
阿姆啊 這也奇怪
你來遮是欲揣啥人乎唅
我來遮是欲揣我的囝
阿姆 你欲揣恁囝
阿姆你講 遮敢
恁囝是蹛這間嗎
無毋著 是蹛佇內面啊
抑若按呢 恁囝今年幾歲咧
伊已經十八歲囉
阿姆啊 哪會遮拄好
我今年嘛是十八歲啊
喔
抑若按呢 阿姆你若講欲揣恁囝
毋知恁囝叫啥物名咧
阮囝叫做 這 這
阿姆 啊你做老母毋知囝的名
我看世間乎 只有阿姆你一个爾呢
你看 阮內底面乎
大人佮囡仔規百个
你欲揣佗一个啊
佗一个是阿姆恁囝啊
小哥啊小哥 你額頭這塊
敢會用得拆起來咧
哎呀 袂使得啦
我拄才就共你講過乎
我的阿爹阿娘有交代
若是拆的人乎 彼是會折壽呢
無要緊 若是折壽是折著阿姆我
你予我看一下就好啊
無啦無啦 袂使得啦
你若按呢你實在
阿姆 好啦
你若按呢講可能我是恁囝嗎
嗯 你緊拆起來予我看
這 按呢好啦 我予你看啦
唅我的囝
欸 阿姆啊 你哪會無代無誌
看看咧講我是恁囝
十八年前 阮囝出世了後
阮母仔囝就來分開
所以我毋知影阮囝的名
我只會記得伊的額頭有一粒紅痣
小哥啊 恁內面囡仔遮爾仔濟
敢猶閣有人親像你按呢
有一粒紅痣咧
無啊 只有我啊
欸 按呢我知影
這阿姆乎 來到遮
是為子佇咧憂思 阿姆 著無
無毋著
抑若按呢你為囝佇咧憂思
按呢好啦
無阿姆按呢啦
我就叫你一聲阿母
按呢上蓋無嘛予你一个安慰
我看覓 阿母
我囝
阿娘阿娘 緊來啦
共我摃甲遐大空 緊來啦
哎喲 哪會按呢啦
老爺 這个年小兒實在真可惡
叫伊陪小少爺
也敢共伊摃甲遮爾大空
老爺 你著做主啊
惜惜 阿母毋甘
郡主都也毋免著急
這層事我的確會查甲分明
來 內面年福出來
老爺 我咧來矣 我咧來矣
老爺 怎樣咧
老彥公 我問你
你按怎樣你會教子不嚴
老爺 對不住 對不住
實在乎我孽子乎 有夠可惡的啦
我絕對袂容允伊
年小兒你共我來
是是是 阿爹 阿爹 阿爹
這 這一切攏是少爺伊
你誠可惡呢
老爺照顧咱爸仔囝啥物款
你今仔日共少爺摃一下
頭殼遮大空
其實乎 阿爹
今仔日乎 做你的囝
我實在有口難言啦
我也無法度來解說
少爺 阿爹 這一切攏是誤會啦
毋甘
啥物
來 年小兒我問你
到底是為著啥物代誌
你照實對本老爺提說
老爺 其實乎
我每日攏跟隨少爺佇咧學堂讀書
倒轉來佇花園
少爺乎 攏叫我當做馬予騎
騎無要緊 又閣對我馬上加鞭
實在共我拍甲有夠疼的
我實在擋袂牢啦
一下翻身 伊煞跋落去
予少爺伊頭殼去挵著石頭
這這這 毋是我拍的啦
老爺老爺 我我我毋是故意的啦
孽畜惡子 你真可惡你
你也敢來欺負著伊年小兒
人做馬 你來騎
你實在有夠橫逆
後擺若是閣這个款
我一定家教令嚴
算我的毋著
感謝老爺 感謝老爺你的好意
抽靈籤 卜聖卦
籤聖卦定 卜卦兼論命
囡仔來卜是好育飼
抑若老人來卜 伊就食百二
咱遮的觀眾來卜 予恁大趁錢喔
喔 鐵口直算
面前原來就是相命先生囉
老爺 你毋知有啥物貴事乎
但是我欲來拜問著先生你
你毋知會用得共我的小兒
斷伊的命無
喔謼 我是在年家四界咧共人運卜
你若甲欲問你的囝兒
到底是佗一位咧
我的小犬就是這位
喔 你就是年少爺囉
著啊 就是我
既然若甲是按呢 年少爺
抑無你行前三步 退後七步
我共你看覓咧
行三步 退七步 好
來喔 我行
一 兩 三 哎喲喂啊
喔 抑無倒退攄好啦
一 兩 三 四 五 六 七
按呢會使得無
按呢有夠大方囉
讚乎
哎呀 你啊 來啦
先生 抑無到底我的囝
最後毋知有可能通好成就無
這个敢真正是你的後生咧
當然啊
乎 按呢無要緊
若真正是你的囝兒
我若斷好你莫歡喜
萬一若斷䆀咧 你就毋通受氣囉
請先生你的直斷
這个人若真正是你的骨肉
抑若你的官位就到這代為止
以後就絕後囉
唅 啥物
這 哪會按呢
是我的運命嗎
是是是
先生啊
老人家 抑無你是啥物貴事咧
我就是年家的下僕
我叫做年福啦
啊這个阮囝啦
先生啊你共算看覓咧你共算看覓咧
抑無是佗一位咧
這位年小兒啊
喔
這位就是你的後生年小兒
按呢就進前三步 退後三步
我看一下斟酌囉
好
一 兩 三 三 兩 一
哈哈哈 年福老大人啊
先生怎樣咧
你真正這个是你的後生嗎
著啊 伊就阮囝啊
敢按呢 這个若真正是你的囝兒
按呢好 我就直接對你講
好 你當天跪地 咒誓宣誓
這个若真正是你的囝兒
你若是有騙人
你的將來欲怎樣報應咧 你講
這這這
老爺 請你赦免著我的罪
抑無年福啥物代誌是毋
老爺 當時我帶你到著柴房
來看春花的時陣
囡仔都也已經出世囉
我看著小主人
是咱年家唯一一點的血脈
若真正去予豬共食落去
若按呢咱年家以後是欲怎樣咧
我恬恬用了我惦惦用長衫
偷偷將小主人包起來
抱回轉阮兜叫過我牽手
用糕仔餅浸滾水扶養至今
光陰經過 都也已經十八年囉
啊 這
阿爹
啥物
老爺 你千萬毋通
老爺 趕緊起來趕緊起來
哈哈哈 年福 予你真多謝
年福 實在你為奴可忠盡義
今仔日你為奴
代替主人來飼這个囝兒
你的功德確實無量 功勞有對啊
都也真感謝
原來伊就是我的囝
小兒啊 面頭前這个
就是你的親生老爸
趕緊佮伊見面
是 是
阿爹
小兒
阿爹
小兒
阿爹 阿娘
這十八年中間
我袂當踮在阿爹阿娘你的膝下奉待
這是我為人子大不孝啊
小兒 何說此言
今你緊起來 起來
今仔日能得團圓
哎喲相命先生拜託你
你毋知會用得共我的小犬
閣再來號一下名無
哎喲 老爺你說笑話囉
公子毋是已經有名囉嗎
小犬這个名號去不雅毋好
願望先生你閣另外閣再來共號一个名
好好好 這个囡仔是老爺你的血統
嘛是你的血脈 那我就共號做
表名年羹堯也
啥物 年羹堯 年羹堯
妙啊 哈哈哈
老爺 這个囡仔以後的地位
佮官位是比你較懸
毋是在老爺之下
你愛好好照顧囉
啊真感謝相命先生你的好金言
啊今請 請先生入到敝府來去待茶
毋通 不用不用
啊恁的後面是啥物人來囉
欸 哪有啊 先生走
欸奇囉
逐家翻頭看覓按怎樣
相命先生不見
啊 我知 這一定是奇蹟
一定是上天的神明
來指點著阮這家人團圓
來 咱全家當天答謝受恩
哈 哈 哈 哈
阿爹 阿娘啊
