說明：「年羹堯」一劇全長約為76分鐘，全劇分為十場。此為第七場，約位於年羹堯完整版影片時間線之41:00～46:10。
第七場簡介：打漁夫婦周好好與孟氏在長江捕魚的過程中，意外救起了春花，也得知了他可憐的身世。因兩人膝下無子，便決定收春花做為義女。
對白：
喂 老伴的啊 行 船共扒落
行行行 來拋魚囉
天氣清和是好天
風平浪靜好光景
前去江邊來掠魚
滿載而歸真歡喜
欸 嘿 無著無著
昨暝有操著的款
老伴的 扒落扒落
予你去矣 閣袂用得 閣袂用得
一二三 予你去
較緊咧 扒落扒落
大尾的大尾的 較緊咧
老的啊 較出力咧
昨暝瘦氣做傷濟
喔
按怎啦
死人死人啦
哎喲 老的啊
四籠一个拄好來分兩籠啊
無啦 死人啦
唅 啥物
你共看一下 你共看一下
哎喲 趕緊咧
我來共伊摸一下仔心肝頭
謼 這奇怪呢
這个查某囡仔頭殼干焦澹爾
衫攏無澹呢而且閣有血
來來來 你乎 查某人
我查埔人較無方便 較緊咧
來
按呢好 按呢好 來來來
較緊咧乎 咱彼掠魚仔人乎
透早攏有準備彼薑母茶
你較緊咧用予燒 趁燒燒
灌一下仔予啉 灌一下仔予啉咧
好 來來來
看你一个查某囡仔
較細膩咧較細膩咧
你是按怎樣遮袂拄好
哪會來投江咧唅
阿伯 阿姆
我本是上京欲去揣親啦
但是無揣著
所紮的一點仔錢予歹人共我搶去
然後閣將我捒落江中
真多謝阿伯阿姆恁共我救命
哎呀 查某囡仔
就親像我再生的父母
我一世人毋敢袂記得恁的恩情
啊查某囡仔你叫做啥物名
我叫做春花
春花喔 你故鄉佇佗位啊
佇咧安徽
哇 遮遠
你故鄉敢猶有親情唅
無親無戚啊
這
老的啊老的啊 哪會遮拄好唅
伊去予歹人錢共搶去
去予人捒落去這个長江
流對咱仁何縣來
彼就奇怪矣呢 彼衫攏無澹
伊的故鄉閣佇安徽又閣無親無情
拄仔好咱兩个老的無囝無兒
不如按呢 這算來是緣份
咱收伊做查某囝好無
老的啊 你按呢講嘛有道理
好啊
好好好
春花 你也無親無情
拄仔好拄著阮兩个老的
無囝無兒啦
抑無按呢啦
阮收你做契查某囝好無
誠實的
嗯
春花拜見義父義母
哈哈哈
好好好 誠好 誠好
老的啊 以後咱就有倚靠矣
阿爹 阿娘 望恁路尾會看顧
魚就免拍囉
咱趕緊咧 轉到厝的
煮一个豬跤麵線
予咱俺查某囝添一下仔壽咧
著著著
過一下仔運咧 過一下仔運咧
來 船仔共扒落去 來轉囉
