Chit份資料有舊約聖經是講〈但以理書〉此卷，代先對冊名ê由來，說明先知但以理ê人物kap時代，遭受亡國之難，受lia̍h去巴比倫，koh經歷各種ê神蹟。但以理書被認為是默示文學中足有特色ê冊，thang比phēng新約中ê啟示錄；但以理書thang分做頭前ê傳記部分kap 後半本但以理看見異象ê兩部分。讀了ē感覺tī信仰ê苦難中所得tio̍h ê確信kap對將來ê ǹg望，mā tī信仰上有真濟有益ê教示。資料內容iáu有1篇林玉田寫ê〈新約聖經各卷的總論〉，紹介〈雅各書〉此卷：林玉田分析雅各書ê著者應該是耶穌ê小弟。雅各書是雅各tī耶路撒冷教會ê傳教，有關基督徒對信仰kap行為應有ê認識kap反省，強調信仰kap行為ê渾一性。本卷聖經原本是為tio̍h向耶路撒冷kap猶太地ê教會基督徒傳教內容，後來有人譯做無kāng款ê語言文書傳送去逐所在。基督教mā順勢向外發展出去。（文/Bo̍k ilī）