Chit份資料ê內容是主日學教員教學參考教材，有提供主日學ê合班崇拜kap各級分班上課thang 路用ê內容。編排方式是3個月1季，每季有1 ê總題，chit季ê季題是「崇拜的生活」，1季有3 ê單元，每1 ê單元koh有1 ê單元主題，ta̍k禮拜配合chit-ê單元主題設計1課ê題目kap課程。Chit份資料ê目錄用中文書寫季題、單元主題、每課題目kap課程故事提要，koh來是福音歌詩10首，提供主日學合班崇拜短歌。內頁第8頁是烏枋畫教材，做教學ê幫贊。課程內容用台語白話字書寫，每1課教案列出：題目、本課目的、經文、合班禮拜：禮拜以前、禮拜順序；接落去是分班資料：聖經故事、烏枋畫、譬喻故事；後面koh有針對無kāng年級ê主日學學生所編寫各級教案：初小級 、中小級、高小級，thang提供教會主日學教員做教學參考運用。（文/Bo̍k ilī）