Chit份資料ê內容是5篇ê短篇小說；其中，〈我的學校生活的一段片〉，原著是俄國V. Eroshenko (Ài-lô-sian-kho)，Vasely Eroshenko 是俄國出名ê 詩人 kap 童話作家，bat去過中國北京，人 稱伊做｢有囡仔ê 心ê詩人｣；Chit 篇是伊ka-kī寫ê自傳，tī中國ê 時為tio̍h上海民國日報來寫ê，由胡汝之先生替伊翻譯做中文，後來魯迅kā伊ê作品編輯做1本冊，名叫：｢Ài-lô-sian-kho童話集｣有用 chit篇做頭1篇；本文廈語譯寫是S. K. B. tī 1923年11 月 22 完成。〈Hoong-ted kap Hong-tiongl（皇帝kap方丈）〉，講1 ê無讀冊，m̄-koh，真有智慧ê顧羊ê「Hàn Piān-tek」，替修道院ê方丈解決皇帝出hō͘伊回答ê問題ê故事。〈Chiiⁿ Niiu Chul Sutt（錢娘自述）〉，是Tiuⁿ Chó͘-sêng所寫，用「錢」做第一人稱，講世間人疼我 khah贏過萬項物致kàu saⁿ爭、saⁿ-thâi，世間人ka-kī愛做我ê奴才來 hō͘ 我差用，m̄是我用sím-mi̍h權勢來pé縛世間人！〈Chitt tih ee Guu-ni（1滴ê牛奶）〉，是對Amenia kok（亞美尼亞國），A. Agaronjan (A-ka-lo̍k-liân) ê著作來翻譯，亞美尼亞是小亞西亞1 ê 小國，原作者因為 in是基督徒ê身份 hō͘ 回回教ê人怨恨，不時受 in 蹧躂、thâi-lio̍k、sat-lio̍k（殺戮）；Chit篇所講ê，大概就是受khún-tio̍k ê時ê情形；Chit篇是對周作人ê《現代小說譯叢》內選譯ê；本文廈語譯寫是S. K. B. tī 1923年12 月 27 日完成。最後1篇就是大家真熟ê故事，〈KIUD-CHUR-TAND EE KO͘D-SUL: Boel her-ch’aa ee cha-bo͘r-ginr-ar. （救主誕ê故事：賣火柴ê cha-bó͘囡仔）〉，廈語譯寫是B. E. C。（文/Bo̍k ilī）