Chit份資料ê內容是主日學教員教學參考教材，有提供主日學ê合班崇拜kap各級分班上課thang路用ê內容。編排方式是3個月1季，1禮拜1課。Chit份資料是1967年第1季（1~3月），chit季ê總題是「奇妙的耶穌」，目錄用中文書寫本季總題、單元主題kap ta̍k課ê標題。本資料上頭前有附幾首ê福音詩歌，tī主日學合班崇拜ê時或是課程中thang唱，歌詞是中文；課程內容用台語白話字書寫，ta̍k課列出本課主題、配合ê聖經經節、目的，教課資料有：聖經故事、烏枋畫、譬論故事。Sòa落去是合班禮拜，程序有：吟詩、感謝、讀經、奉獻、祈禱、分班；後面koh有針對無kâng年級ê主日學學生所編寫各級教案，tī初小級、中小級、高小級ê分班課程上路尾，有「分發課外讀物」，是照各級別提供課外讀物ê建議；提供教會主日學教員做教學參考kap運用。（文/Bo̍k ilī）