Chit份資料ê內容是主日學教員教學參考教材，是台灣基督長老教會總會教育處 kap中國主日學協會做伙編ê；教材內容有提供主日學ê合班崇拜kap各級分班上課thang路用ê內容。編排方式是3個月1季，1禮拜1課。Chit份資料是1965年第2季（4~6月），chit季ê總題是「上帝選民的故事（一）」。課程內容用台語白話字書寫，ta̍k課列出本課主題、配合ê聖經經節、要點、目的、金句；合班禮拜ê部份有：聖經、短講、聖經故事。Sòa落去是分班，針對無kâng年級ê主日學學生所編寫各級教案，內容有：聖經故事、暗唸金句、譬喻故事、實物教材；若是初小級，路尾編排活動抑是福音詩歌ê律動；中小級、高小級ê分班課程ē ke溫習、學生習作指導kap討論。另外，tī本資料上路尾koh有附13篇台語白話字歌詞，hiah-ê白話字歌詞是beh配合後面13首ê福音詩歌，thang好搭配ta̍k禮拜ê課程運用，詩歌有五線譜歌譜kap中文歌詞。（文/Bo̍k ilī）