Chit份資料主要是beh對新約聖經〈使徒行傳〉chit卷所記ê內容進行研究，內文照使徒行傳kui卷ê章節設28章，koh分做41課，每1課照章節排序條列問題進行討論；問題後面有聖經參考章節提示，就是ài信徒靈修、研讀聖經來認識教理、教義。〈使徒行傳〉是耶穌ê學生路加所寫，目的beh記聖神ê工，記述上帝國cháiⁿ-iūⁿ興起khoah大，福音cháiⁿ-iūⁿ對耶路撒冷、猶太人ê地方傳kàu羅馬外邦khah遠ê所在；因為主耶穌有吩咐in tio̍h去普天下傳福音，chit本tio̍h是記學生cháiⁿ-iūⁿ倚靠聖神趁主ê命令，去ta̍k所在宣傳，koh主cháiⁿ-iūⁿ kap in saⁿ-kap做工，用tè in ê神蹟證明chit-ê道理。其中，第9章、第13課就是原底迫害教會掃羅後來改變歸主變成保羅ê事；Koh來對13章開始就是保羅3 pài旅行宣教ê歷程，伊kap其他使徒cháiⁿ-iūⁿ將福音傳kàu外邦，宣教過程中所tú遇 ê各種困境、迫害kap見證。最後，有1篇外冊所記當時信徒所受迫害、殉教ê補充。（文/Bo̍k ilī）