Chit份資料ê內容是舊約ê聖經，基督教ê舊約聖經lóng總有39卷，主要是指耶穌出世進前tio̍h已經寫好編輯成冊ê部分經典，舊約聖經上頭前5本《創世記》、《出埃及記》、《利未記》、《民數記》kap《申命記》是上早ê 5部經典，koh hō͘ 人號做摩西五經mā有人稱做律法書；接sòa《約書亞記》～《以斯帖記》chit 12本是歷史冊，《約伯記》、《詩篇》、《箴言》、《傳道書》、《雅歌》chit 5本是詩歌智慧ê冊，後面ê先知書thang分做：大先知書：《以賽亞書》~《但以理書》 5本kap小先知書：《何西阿書》~《瑪拉基書》12本。聖經是基督教重要經典，基督徒主張聖經是神ê啟示，ta̍k字句lóng是出tī聖靈ê感動，有kā主耶穌做見證ê功用，beh hō͘人有得救ê智慧，chiâⁿ做人重頭生ê種子，mā是信徒重要ê靈命米糧，目的beh hō͘ 屬神ê人ê靈得tio̍h完全。（文/Bo̍k ilī）