Chit份資料ê內容，靈修、教理講解ê文章有4篇：Ông Siú-ióng（王守勇）〈耶穌體驗ê上帝〉，對信求就得tio̍h ê信仰是耶穌唯一ê信仰觀。Tè Tiong-tek（戴忠德）〈Cháiⁿ-iūⁿ 祈禱得tio̍h聽？〉，本文是簡錄美國烏人音樂佈道家Hek-lé-sùn牧師，來tī嘉義所舉行基督教聯合培靈佈道大會ê講道；祈禱無效ê原因有：「心內ê自私、罪惡ê阻擋、bōe記得過去上帝所hō͘咱ê恩典、無赦免人ê心靈、咱ê信心無夠」chit幾項。L. B. T.譯，〈以色列kap阿拉伯國ê戰爭kap主耶穌ê再臨〉，對Thian-jîn chi siaⁿ 35期譯，作者tī 1967年10月寫ê。T. L. C.記，〈生、離、死、別有所感〉，信耶穌做救主，認上帝做天Pē ê人，無論生、死、離別，若有感覺主ê同在，就thang受安慰，不管時tō有內心真實ê平安。見證2篇：Sú Pin-khek〈祈禱ê見證〉（待續），本文是作者ê傳記kap信仰見證。Lông-hu〈見證〉，1 ê犯邪神ê青年、替伊趕鬼ê 牧師kap筆者ê見證。其他，koh有編輯室譯〈聖城歷史〉，簡介聖城 「耶路撒冷」（英文：Jerusalem，希伯來文：YERUSHALAYIM）ê歷史kap聖殿建築。人物傳記， Tēⁿ Chiong-in（鄭彰恩）〈約翰加爾文傳第七章：Koh倒轉到Ji̍t-lōe-óa（日內瓦）市做工〉。生活常識1篇，Tiō Thian-chû（趙天慈）〈眠床頂ê水災〉，探討囡仔chhōa尿ê原因kap對pē母ê建議。（文/Bo̍k ilī）