Chit份資料ê內容，靈修、教理講解ê文章有4篇：Lô͘ Bān-tek（盧萬德）〈聖誕節ê祈禱〉，為聖誕節ê祈禱文。Ông Siú-ióng（王守勇）〈道成肉體〉。Sim-siaⁿ〈好意ê白賊〉，為tio̍h m̄-thang hō 牧師ê講道變做好意ê白賊，為tio̍h咱ê靈糧ê豐富、教會ê進步，tio̍h注重神學教育kap幫贊傳道者ê再進修。T. L. C.譯〈人生最大ê目的是sím-mi̍h？〉，咱做人最大ê目的，就是ài順趁真神ê旨意來活。見證kap喻道故事3篇：Thian-má〈流目屎ê聖誕夜〉，講1 ê醫生特別為伊獨生囝準備聖誕禮物，m̄-koh，tú tī聖誕夜，醫生囝tio̍h急症beh無救ah，此時，1 ê作穡人來phah門beh醫生去in兜急診伊ê囝，醫生決定遵趁伊ê使命，kap作穡人去出診ê喻道故事。Tiong-bêng〈美國ê聖誕節〉，本文teh分享hiah ê有釘根tī耶穌基督ê教示：「Hū人ê，比對人提ê khah有福氣」ê美國教會kap信徒，in cháiⁿ-iūⁿ teh享受聖誕節ê歡喜ê見證分享。Tiuⁿ Khun-oán（張崑遠）〈考察日本有感：觀光—知音—〉（待續），作者tī日本旅遊途中，tú tio̍h Tiuⁿ Chhit-lông （張七郎）ê外甥聽in講「台灣話」，若像tú-tio̍h「知音」ê歡喜，所記錄ê見證kap啟示。其他koh有人物傳記， Tēⁿ Chiong-in（鄭彰恩）〈約翰加爾文傳第四章：頭 1 pái tī Ji̍t-lōe-óa（日內瓦）做工〉。醫學常識1篇，Pek-ha̍p〈醫學常識—Chhùi齒〉（待續）。小說1篇，Bêng-sù譯〈母囝ê感情〉（待續），女主人Bí-lē 因為糾正後生Sūn-tek ê行為kap伊發生無爽快，Sūn-tek賭氣走出去。（文/Bo̍k ilī）