Chit份資料ê內容，靈修、教理講解ê文章有5篇：Ông Siú-ióng（王守勇）〈充滿聖神ê要件—清氣〉，tio̍h代先清氣chiah ē-tàng得tio̍h聖神ê充滿。Tè Tiong-tek（戴忠德）〈Tio̍h儆醒〉，tio̍h儆醒，tio̍h祈禱，免得入迷惑。Sim-siaⁿ〈莫名其妙〉，基督徒tio̍h小心，m̄-thang一方面teh興起傳福音ê工作，一方面soah teh做塞礙ê行為。T. L. C.譯，〈基督徒對宗教教育應有ê態度〉，基督徒ê宗教教育指導。Tiong-bêng〈對chhōa tio̍h耶洗別〉，以色列ê亞哈王自chhōa tio̍h耶洗別王后了後，hō͘以色列國犯tio̍h宗教ê危機，也hō͘ in對敵上帝ê先知以利亞。見證kap喻道故事5篇：Iok-hān（約翰）摘譯〈我ê批〉，基督徒Se-pek-lī-a女囚犯ê手記，接頂期，chit期講第三章ê部分（待續）。T. L.〈上帝ê聲〉，喻道故事2條。Sin-kong〈愚蠢ê豬〉。A. S.〈假基督徒〉，利用禮拜堂來做賊siū（岫）ê賊，終尾lóng被lia̍h ê喻道故事。I. H.〈Gē-jiân ê決斷〉，1 ê開酒店koh大好額ê seng-lí人改變做禁酒運動ê人ê見證故事。其他，人物傳記， Tēⁿ Chiong-in（鄭彰恩）〈約翰加爾文傳第三章：離開法國〉。醫學常識1篇，Pek-ha̍p〈醫學常識—Chhùi齒〉（待續）。（文/Bo̍k ilī）