Chit份資料ê內容，靈修、教理講解ê文章有4篇：Tân Hāu-chàn（陳效贊）〈人生ê目的〉，本文是作者siàu念亡父所寫，故陳金然牧師對認識上帝ê疼了後，就認明伊人生ê目的，放捒好ê奉祿，甘願來做主ê差用，一生盡忠疼主、疼人，也得主極外ê恩典，享受人生最大祝福kap光榮。Chôaⁿ-chúi〈基督徒kap孝道〉，基督徒應該遵守聖經ê教示，孝敬pē母，利益人榮耀上帝。Chan Siù-hōng（曾秀鳯）〈平凡ê安得烈〉，聖經研究，聖經人物耶穌ê學生「安得烈」ê kiâⁿ做。An-thāu〈聖經kap屬靈ê書報〉，基督徒只有tī禮拜日去禮拜是無夠額，基督徒tio̍h看重家庭宗教教育，beh hō͘家庭宗教教育做好勢，聖經kap屬靈ê冊是重要ê工具，應該tī chit方面來充實基督徒家庭。見證kap喻道故事4篇：Ông Siú-ióng（王守勇）〈我ê老母〉，siàu念老母kap老母ê生活信仰見證。Toh Hêng-lī（卓恒利）〈老母ê目屎〉，1位少年人離家做事業無閒無心顧慮厝內，老母病重ê時錄音留遺言，無責備只有對囝ê憂慮掛心；當囝收tio̍h遺物聽了明白老母ê疼，非常後悔，了後，有機會就近信仰來悔改ê見證故事。Tō͘ Eng-chō͘（杜英助）〈偉人ê模範〉，1 ê出名ê大牧師所tú-gū ê經歷，beh做基督徒反省ê喻道見證。Tiong-bêng〈殉教者ê種子發íⁿ lah！〉（待續），1956年美國5 ê宣教師tī Eh-koa-to ê O͘-khah族殉教，總是福音事工無chih-chām，到1965年Koh活節，已經有O͘-khah族語ê馬可福音傳印刷完成。其他koh有：Chhiu-hân〈Siàu念－有所疼ê老母作〉，siàu念老母恩情ê作品。兒童教育1篇，Hàu-chú〈囡仔ê感情kap行動〉，兒童教育指導（接頂期）。（文/Bo̍k ilī）