Chit份資料ê內容，靈修、教理講解ê文章有5篇：Tō͘ Eng-chō͘（杜英助）〈生離死別ê時〉，tú-gū生離死別ê時靠上帝ê話來安慰。Chan Siù-hōng（曾秀鳯）〈亞伯拉罕ê廉潔〉，世間ê錢財物質，真有吸引力，會迷惑人ê心；雖罔好額kap富貴是人所愛，若m̄是照德來得tio̍h ê bē-thang tī-teh，咱做基督徒tio̍h學亞伯拉罕ê廉潔，chiah ē-thang受上帝祝福。Ông Tân Ho̍h-lêng〈看見主ê救恩ê A-ná〉，路加2：25－39，路加福音書所記載ê年老女先知A-ná做模範，勉勵老兄姐將寶貝ê經驗導少年人，hō͘ in明白主ê救恩。Toh Hêng-lī（卓恒利）〈你看上帝ê羊羔〉，約翰1：35－35。Chiu Thian-lâi（周天來）〈3項不可能ê誡命〉，tio̍h常常歡喜，tio̍h祈禱無soah，凡事感謝，做基督徒ê 3項根本原則；不可能ê誡命beh變做可能，tio̍h祈求聖神ê幫助，chiah有信ê堅靱性。見證kap喻道故事3篇：Tè Tiong-tek（戴忠德）〈活活ê上帝〉，幾條喻道故事講起雖然看bōe見，總是天下萬項lóng見證真活上帝ê存在。A. S.〈查票〉，火車查票員kap 1 ê坐火車beh去天堂ê cha-bó͘囡仔ê喻道故事。Lîm Sò͘-hôa〈主醫好我ê囝〉，信徒生活信仰見證。其他koh有Tiuⁿ Khun-oán（張崑遠）〈考察日本有感〉，作者去日本考察ê記事（接頂期）。兒童教育1篇，Hàu-chú〈囡仔ê感情kap行動〉，兒童教育指導（接頂期）。醫學常識1篇，Lô͘ Chûn-sêng〈醫學常識—消化不良ê預防〉。（文/Bo̍k ilī）