Chit份資料ê內容，靈修、教理講解ê文章有6篇：Chan Siù-hōng（曾秀鳯）〈Tio̍h tiàm tī主耶穌〉，tiàm tī主耶穌7 結聖神ê果子，慇勤祈禱7得tio̍h chiâⁿ，koh有歡喜滿滿。Tō͘ Eng-chō͘（杜英助）譯，〈榮光ê時代〉，譯自The Light of Life，根據聖經記載ê人物榮光ê時代，就是人對伊本身以及對人生有大貢獻ê時代。Ông Tân Ho̍h-lêng〈Í-lī-sa-pek〉，對聖經路加1：5－45所講ê人物，tī希律時代，猶太國ê 1 ê祭司Sat-ka-lī-a ê bó͘：「Í-lī-sa-pek」，beh啟示咱thang學習ê事。Chhiau-pin〈Kap傳道者saⁿ-kap想〉，傳道kám是beh趁人ê歡喜？Kám tio̍h傳tòe流行ê信息？Kám是為tio̍h飯碗？Kám是beh報揚ka-kī？抑是beh té滿ka-kī ê錢袋仔？傳道若想beh hō͘人歡喜就m̄是基督ê奴僕，tio̍h學習使徒保羅：「Lín tio̍h學我，像我學基督」，做主好koh盡忠ê奴僕。Sim-siaⁿ 〈牧師、死人kap病人〉，基督徒平時tio̍h kap上帝saⁿ親近，對牧師m̄-thang當做sai-kong抑是chhiàⁿ工，tio̍h尊重牧師親像疼主án-ni款待。Siù-hiông〈Cháiⁿ-iūⁿ chiah會經驗重頭生〉，順服聖神ê工作，tio̍h信靠聖神ê引chhōa，祈禱來仰望主耶穌。見證故事1篇， Khiân-thài〈強盜得救〉，1 ê兼職駛計程車ê教會牧師，載tio̍h 1 ê青年強盜，tī無phah算ê祈禱中感動青年去自首koh悔改得救ê見證故事。其他koh有Tiuⁿ Khun-oán（張崑遠）〈考察日本有感〉，作者tī 1966年10月15日~11月16日kap Lí Thoân（李傳）、 Lîm Chhong-bêng（林川明）2位牧師去日本考察ê記事。兒童教育，Hàu-chú〈囡仔ê感情kap行動〉，兒童教育指導。（文/Bo̍k ilī）