Chit份資料ê內容，靈修、查經、教理講解ê文章有5篇：Un-chō͘譯〈注神看耶穌〉，譯自《五十靈筵》，主要經節：希伯來12：1－2。Chan Siù-hōng（曾秀鳯）〈幸福ê家庭〉，家庭ê幸福就是敬畏耶和華，上帝做hit-ê家庭ê主，咱做基督徒ê家庭tio̍h敬畏耶和華chiah有幸福，家庭若好，教會chiah-ē發展。Lāu-chú-kò͘ 〈南極探險－糧食ê供應〉，用南極探險ê時所需要ê糧食供應問題配合聖經進行教理講解。Lô͘ Bān-tek（盧萬德）譯，〈保羅傳〉，繼續介紹聖經人物保羅。Chiu Thian-lâi（周天來）譯，〈受恥笑ê耶穌〉，耶穌受恥笑ê經驗。用喻道故事、見證做教理教示ê文章3篇：Lâu Chú-an（劉主安）〈古利奈人西門〉，本文是作者講道篇ê 1部分，主要用1 ê見證故事來做教理ê教示。Tiō Kūn-éng牧師娘講，Chiu An-kî筆，〈上帝ê作為〉，本文是大專學生聯誼會tī Í-ló-lo̍k大學舉行ê大專學生靈修會中，用見證做教理教示ê講道。〈黃金比米糧〉，用喻道故事教示基督徒活tī世間，有活命ê好種子，thang chhē得救ê路；若是chē-chē人bōe想到 che，反轉受金銀ê引誘，來失落活命ê米糧，致到滅亡。其他koh有，An-seng譯，〈Cháiⁿ-iūⁿ處理發脾氣ê囡仔〉，囡仔發脾氣ê原因，有ê是因為環境無適合所發生ê，也有因為囡仔本身ê原因發生ê；針對發脾氣ê原因來進行改善kap消除囡仔ê發脾氣。Âng Siok-kheng〈快樂ê物配〉，分享煮食ê經驗kap食譜1篇。（文/Bo̍k ilī）