Chit份資料ê內容，靈修、查經、教理講解ê文章有6篇：Lâu Chú-an（劉主安）〈保羅ê苦難〉，本文講tio̍h保羅kap路加tī Bí-lī-tāi ê島嶼有3月日ê時間，然後in坐船起身去羅馬，後來保羅受lia̍h tī羅馬獄內ê記事；來看保羅tī世間，心內不時有平安kap歡喜，伊對beh來ê死，lóng無一屑仔ê驚惶，chit款是有福氣ê人、有價值ê人生ê人。Ka-lâi Kok-seng〈乞食ê教示〉（1）（待續），軟弱ê乞食卻有謙卑、吞忍、樸素koh順趁，所以tio̍h求主，hō͘阮對軟跤ê乞食來受教示，chhōa阮到hit-ê源頭ê媠門，thang得tio̍h真正ê奮興。F. B. Meyer〈進入khah深ê所在〉，Eng-chō͘（英助）譯自《Un-ú月刊》，本文是beh鼓勵hiah-ê對ka-kī ê靈，感覺無滿意ê基督徒，kap ǹg望達到受祝福ê基督徒所寫ê。C. T. L.譯，〈過去、現在、將來〉。Chan Siù-hōng（曾秀鳯）〈青瞑人ê基督觀〉，美國出名ê女學者Hai-lûn-khek-la̍h，伊是青瞑、臭耳、啞口，是1 ê 3重苦ê人，本文用伊做典範進行ê說教。It-hoân〈全家歸主〉，（接前期）。用喻道故事、見證做教理教示ê文章3篇：To-ka譯，〈聽tio̍h ê時〉。〈得救ê紀念〉。N̂g Seng-liōng〈飼鳥仔ê牧師〉，講英國1位有名聲、地位ê大牧師，夢見伊意外死亡了後，想講伊必然是ē-tàng入天國ê人，總是想bē kàu去hō͘顧守天堂大門ê天使阻擋m̄准伊入去ê喻道故事kap教理教示。上尾是「服務欄」，徵求工作人員ê讀者服務。（文/Bo̍k ilī）