Chit份資料ê內容，頭前是Âng Bān-sêng（洪萬成）〈聖誕ê祈禱〉，為聖誕節ê祈禱文。本期tú好聖誕節期，節期福音歌詩1首，Tō͘ Un-chō͘ 〈聖誕祝歌〉，為祝聖誕ê歌詩。靈修、查經、教理講解10篇，其中關係聖誕節ê文章有4篇：Tiuⁿ Sìn-tek（張信得）〈馬槽內ê嬰仔〉。Un-chō͘〈M̄敢講有永活〉。Bí-tì〈客館無所在thang容允in〉。Council Fires，Lí To-ka譯，〈耶穌降生ê時代背景〉，探討耶穌降生ê時代背景tú好是基督教興起最好時機。Sú Kî-seng（史祈生）〈Tio̍h獻thang得tio̍h接納ê〉。Pek Hap〈考古學kap出埃及記〉。Kí Un-jiû（紀溫柔）〈拒絕人勸導 ê耶穌〉。Sú Kî-seng（史祈生）〈耶和華kā in興起士師〉，紹介聖經中ê士師。Billy Graham〈上帝ê路〉，編輯室自《Koat-sim雜誌》譯。Lô͘ Bān-tek（盧萬德）〈保羅傳〉(待續)，介紹聖經人物保羅。另外，有宗教故事kap見證、喻道故事3篇，Lí Lú-bí〈平安夜〉，見證故事。Tēⁿ Chiong-in（鄭彰恩）〈主差我來救你〉，見證故事。Phó͘-lâi-su〈1 ê酒醉牧師得救！〉，che是1 ê真實ê故事，是故事中ê主角kā我講ê，chit-ê故事講起tī美國I-ó-hôa州有1位姓Khong-nî ê老農夫，伊有6 ê囝、6 êcha-bó͘囝，lóng是真有前途ê青年。Chit-ê故事ê主角出世ê時，pē母就將伊獻hō͘主，伊老母講：我ǹg望細漢ê Iok-sek（約瑟）將來ē做傳道ê人，親像伊2 ê兄哥一樣。M̄-koh，Khong-nî Iok-sek後來soah變做酒鬼，流浪街頭，路尾年老ê時kap 另外2 ê老酒徒，悔改重頭生ê見證故事。（文/Bo̍k ilī）