Chit份資料ê內容有：Sim-siaⁿ〈默想〉，創世記35。靈修、教理講解13篇：Iûⁿ Se̍k-lîm（楊石林）〈是耶和華ê！〉。Sú Kî-seng（史祈生）〈因為耶和華看人無親像人看人〉。Billy Graham〈悔改〉。Chiu Thian-lâi（周天來）〈駛船過大洋〉。Sêng Kià-kui〈活命ê 9種性質〉，活命是有性情ê、活命是有動作ê、活命是ē明白同類ê活命、活命是tiàm tī內面、活命是ē長進ê、活命是ē生產ê、活命是獨立ê、活命需要chia̍h-mi̍h、活命有抵抗力。Billy Graham〈重頭生〉。Song An-chû，Lí To-ka譯，〈伊啥事離開厝？〉，探討家庭、pē母kap宗教教育ê要緊。Un-chō͘譯〈上帝引chhōa ê路〉。Iûⁿ Se̍k-lîm（楊石林）講，Gô͘ Ná-chēng記，〈預言kap史實〉。Billy Graham講，Tēⁿ Chiong-in（鄭彰恩）譯，〈人死後如何？〉。Kí Un-jiû（紀溫柔）〈無入學ê耶穌〉。Tiō Tiong-hui，Sîn-kong譯，〈你ê牧師價值偌chē？〉。Lāu-chú-kò͘〈誤用自由意志〉，亞當、夏娃食所禁ê果子，致到受趕出樂園，就是誤用自由意志。見證、喻道故事3篇：Chiu Hui-bûn〈看chiah ê人ê老母〉，世界真chē偉人ê背後lóng有in偉大ê老母。Lí Lú-bí〈心聲〉，見證故事。Tāi-phêng譯，〈無失志ê老母〉，認識世界siōng大ê力量，ē-tàng征服任何困難母愛ê故事。其他，Lâu Chín-hong〈雖死iáu teh講〉，去日本ê宗教遊記。Lí Lú-bí 〈樂聖Hái-tun〉，紹介奧國大音樂家—Hái-tun。Tēⁿ Chiong-in（鄭彰恩）〈基督徒生活ê原則〉，基督徒信仰kap生活指導。（文/Bo̍k ilī）