Chit份資料ê內容：頭前是Sim-siaⁿ〈默想〉，約翰10：16。Koh來是Sòng Siōng-chiat（宋尚節）ê講章〈咱beh cháiⁿ-iūⁿ報答主〉，主要針對馬可14章ê講經。Kap 1篇短文，〈Kìⁿ-nā 求叫主名ê〉。接落去是Gô͘ Hông-chō͘〈Lín thang放心〉，本文講人tī chit世間，常常lia̍h ka-kī做gâu、有辦法koh有才調，其實tī失敗ê時只有死nā-tiāⁿ，主基督kā咱講：「Tī世間lín有苦難，獨獨lín thang放心我已經khah贏世間」，所以咱實在除去倚靠主以外無別條路。基督徒kap世間人有分別，才有能力為主做見證。Sòa落去是A. J. H.〈大衛ê囝，亞伯拉罕ê囝〉，查經分享。基督教理，Hūi-bûn譯〈我bē-thang謗瀆我ê主〉。另外喻道故事kap見證，〈你不比我〉，講1 ê敬虔ê基督徒ê皮鞋師kap王子tú-gū ê喻道故事。Iûⁿ Se̍k-lîm（楊石林）〈反對lim酒ê女英雄－Ná-sùn〉，講Ná-sùn chit位姊妹伊ê家庭為tio̍h酒來破產，所以極力反對lim酒；koh伊一生ê中間也有做真chē值得欽佩ê事，所以伊雖然死了，真chē人iáu teh siàu念伊。喻道小故事〈鳥thóng ê 蝶〉。見證小故事，〈我ê恩典夠額你用〉。連載ê 文章，Charles M. Seldon作，Chiu Lī-an編譯，〈若是主beh cháiⁿ-iūⁿ 做？〉(11)，本文講到第十一章：勇健ê人無欠用醫生，獨獨破病ê就ài……我來是招罪人悔改。以及， Liāu Tit（廖得）〈69回憶錄〉，廖得牧師ê回憶錄（連載），chit期講：做事業成功法。（文/Bo̍k ilī）