Chit份ê內容有：論說：Chiam Hoâi-tek（詹懷德）〈全人教育〉，全人教育ê結果就是靈、智、體、群四育siāng時發達，親像基督耶穌本身ê生涯就是tī佇靈、智、體kap群育同時發達ê好模樣。繼續是教員養成講座5篇：（1）Lîm Gio̍k-tiân（林玉田）〈保羅（8）〉，接5月號第42面，chit期繼續講（二）福音kap律法ê at-le̍k（軋轢）：「III.基督教會ê誕生」。（2）Tīⁿ Liân-bêng（鄭連明）〈基督傳〉，耶穌基督ê傳記，chit期講第2章：時代背景，分做「I.政治情形」kap「II.宗教kap社會情形」2部份來講。（3）Iâu Chèng-tō（姚正道）〈猶太ê風俗kap習慣（7）〉，chit期接頂月號sòa落去講：「Si̍t（食）」ê部分，有講tio̍h：「I. Pháng（パン）ê製法；II. 肉食；III. Hù-si̍t（副食物）；IV.食飯前ê洗手；V.座席kap食桌；VI.洗清氣ê例」chit幾項。（4）Tiuⁿ Hông-chhiong（張逢昌）〈國校時代的兒童心理〉（待續），接4月號第19面，本文繼續講「1. Chit ê時代ê智識」未完部分，了後koh接落去講「2. Chit ê時代ê特質ê發達」。（5）Tiuⁿ Hông-chhiong（張逢昌）譯〈禮拜ê準備〉，提供beh講道ê人事前準備ê建議kap注意事項。Koh來是主日學ê教材：Lîm Kim-seng（林金生）〈兒童講道的指針及分班時的教材〉，教案內容大約有：目的、金句、教材ê研究、禮拜（內容）：聖經、講道，了後分班課程：聖經、教ōa；7月份ta̍k禮拜主日學ê課題是：7月5日：〈上帝所眷顧ê國家〉；7月12日：〈決斷力ōe支配運命〉；7月19日：〈對chi̍t ê外邦人ê祝福〉；7月26日：〈Tī危機中ê勇敢〉。後面是中國主日學協會編ê〈T. K. C. 例會指導〉，中文書寫。最後是Tiuⁿ Hông-chhiong（張逢昌）〈編者ê話〉。（文/Bo̍k ilī）