Chit份資料ê內容，靈修、教理講解ê文章有8篇：〈聖經kap你ê生活〉（Eng-chō͘譯自Showers of Blesseng），beh做1 ê勇壯ê基督徒tio̍h每日讀聖經，領受上帝寶貝ê應允。Toh Hêng-lī〈常常聽候你ê上帝〉。Iok-hān（約翰）譯，〈傳道者ê本份〉，傳道者tī學習上tio̍h用上帝ê道充實ka-kī，tī講道tio̍h忠實。Ông Siú-ióng（王守勇）〈上帝ê恩典〉。Chan Siù-hōng（曾秀鳯）〈Nn̄g款ê智慧〉，根據聖經教示討論屬tī地裡（血氣）ê智慧kap屬tī頂面（天裡）ê智慧。Niû Khun-hù（梁坤富）〈到十字架ê路〉，梁牧師tī伊ê就任式所講ê saⁿ勉勵。Tiong-beng編譯，〈獻siuⁿ 濟lah！〉，勉勵信徒奉獻應該ê心態。Lô͘ Bān-tek（盧萬德）譯，〈保羅傳〉（待續），繼續介紹聖經人物保羅傳道經歷，chit期講tio̍h救濟耶路撒冷ê募金運動kap牧會ê成功。見證故事1篇〈義人ê紀念受o-ló〉，救世軍創辦人Ui-liâm Bú-su夫人在生實踐做基督徒ê見證，到今iáu hō͘人siàu念伊。其他，醫學常識1篇，Pek-ha̍p〈醫學常識—M̄-thang亂食便藥〉，有病ê時m̄-thang為tio̍h省錢、或者嫌費氣，有病tio̍h chhōe醫生，免得損害身軀。另外1篇育兒常識，Kiong-hā Chèng-bī〈厝內外囡仔kap人ê關係〉（1）（待續），兒童ê人際關係指導。（文/Bo̍k ilī）