Chit份資料ê內容，靈修、教理講解ê文章有5篇：Ông Siú-ióng（王守勇）〈基督是咱ê活命〉，基督m̄是做咱ê救主nā-tiāⁿ，koh實在是信徒ê活命。Chan Siù-hōng（曾秀鳯）〈掃羅王ê信仰kap運命〉，聖經研究，以色列民族第一ê國王－掃羅王ê信仰kap運命。A. S.譯〈冰湖ê浸禮〉，kiâⁿ洗禮ê儀典探討。Tân Kim-jiân（陳金然）〈In所穿ê〉，聖經研究。Lô͘ Bān-tek（盧萬德）譯，〈保羅傳〉（待續），繼續介紹聖經人物保羅傳道經歷，chit期講第十四章：對馬其頓到希利尼。見證、喻道故事4篇：S. K.譯，〈受chē獻少，辜負主恩典〉，對第99期《Sin-kong-pò》譯，講信徒ê奉獻見證。Chûn-sêng譯〈上帝美妙ê路〉（下），信徒ê生活經歷ê信仰見證。Sîn-kong〈講閒仔話ê災禍－馬肉ê謠言〉，教示人應該謹慎講話，也tio̍h謹聽ê喻道故事。C. T. L.〈Cháiⁿ-iūⁿ表現真正ê女性美〉，1位因為受tio̍h pháiⁿ朋友影響迷失ka-kī，發生意外了後，故鄉ê朋友出現來探訪，koh再回頭chhōe求信仰ê見證故事。另外1篇育兒常識，Kiong-hā Chèng-bī〈囡仔ê性格、感情、行動ê指導〉（5），pē母ê生活態度kap教養tio̍h 做教示ê背景，chiah thang造好性格、hō͘感情安定、hō͘感情豐富。Koh1篇醫學常識，Pek-ha̍p〈M̄-thang生食〉，食無熟ê物有tio̍h病ê危險，上好mài生食。（文/Bo̍k ilī）