Chit份資料ê內容，靈修、教理講解ê文章有5篇：Khó͘ Khiân-thài〈母親節ê由來〉，紹介母親節ê由來，結尾用聖經ê教示：Tio̍h 孝敬你ê老pē，你ê老母，hō͘你ê日子tī耶和華你ê上帝所賞賜你ê地，得tio̍h久長。（出埃及記20：12）。Ông Siú-ióng（王守勇）〈老母〉，母親節ê專講，用聖經教示勉勵信徒tio̍h執守序大人所教示ê聖經kap引導你入tī信仰ê路。Chan Siù-hōng（曾秀鳯）〈Hap-ná ê好模範〉，用以色列大先知撒母耳ê老母Hap-ná做指標ê教理教示。Tō͘ Eng-chō͘（杜英助）譯，〈上好kap上pháiⁿ ê sī sím-mi̍h？〉，世間ê善是對「舌」出，惡也是對「舌」出；舌若是好，無別項物件ē比伊khah好，舌若是pháiⁿ，就是世間上pháiⁿ ê物件。An-seng〈Bô͘-bûn-kàu ê多妻主義teh koh攑頭？！〉。見證、喻道故事3篇：Lí Iok-hān（李約翰）〈你看出名人ê老母〉，見證故事。An-seng〈大世界ê小故事—兄弟ê疼〉，1 ê 25歲美國ê船長，決心冒險beh去越南chhōe伊失踪ê小弟，親像耶穌teh去chhōe失迷ê羊仔hiah-nih堅持ê喻道故事。Toh Hêng-lī（卓恒利）〈憂悶變做歡喜〉，信徒生活中經歷憂悶ê事因為信仰ê關係來變做歡喜ê生活見證。其他koh有，L. I. H.〈家庭ê基督化生活〉，基督徒ê家庭生活指導。另外1篇育兒常識，Kiong-hā Chèng-bī〈囡仔ê性格、感情、行動ê指導〉(2)（待續）。最後是傳記1篇，Lô͘ Chûn-sêng〈Ò-kó͘-su-teng ê悔改〉，簡介Ò-kó͘-su-teng (Aurelius Augustine) ê細漢時、放蕩少年時kap悔改入信ê經歷。（文/Bo̍k ilī）