Chit份資料ê內容，靈修、教理講解ê文章有7篇：Ông Siú-ióng（王守勇）〈耶穌koh活〉，耶穌koh活有hō͘抹大拉ê馬利亞代先看見，mā hō͘眾婦人人看見，koh hō͘彼得kap其他ê學生看見，也有出現hō͘保羅看見，chē-chē人確實有看見耶穌koh活來做干證。Koeh Tong-êng（郭東榮）〈基督徒siáⁿ事tio̍h kiâⁿ好〉，基督徒tio̍h有好所kiâⁿ chiah thang榮光主。聖經研究，Chan Siù-hōng（曾秀鳯）〈十字架頂ê 7句話〉，耶穌被釘十字架beh臨終ê時所講ê 7句話，對chit 7句話研究耶穌心中ê思想會hō͘咱ê信仰kap道德ke真進步。Tō͘ Eng-chō͘（杜英助）譯，〈彼得一生ê 3 pái〉，譯自《Tián-bōng 月刊》，講tio̍h彼得一生ê 3 pái有：3 pái受呼召、3 pái teh睏、3 pái m̄認主、3 pái交託羊群、3 pái見異象。T. L. C.譯，〈Chit人真正是上帝ê囝〉。L. I. H.〈基督徒生活訓練（4）－晚年ê訓練〉，tio̍h努力做1 ê溫和ê老人，將責任交代hiah-ê 後輩，應新時代ê要求，koh khah為tio̍h後輩祈禱，努力tī主為老人所安排新ê奉事，chiah是迎接晚年ê人所tio̍h受ê訓練。Lô͘ Bān-tek（盧萬德）譯，〈保羅傳〉（待續），繼續介紹聖經人物保羅傳道經歷，chit期講第十三章：第三pái傳道旅行。另外1篇，育兒常識，Kiong-hā Chèng-bī〈囡仔ê性格、感情、行動ê指導〉（待續）。（文/Bo̍k ilī）