Chit份資料ê內容，靈修、教理講解ê文章有8篇： Koeh Tong-êng（郭東榮）講，Lô͘ Bān-tek（盧萬德）筆記，〈信仰是sím-mi̍h？〉。Khó͘ Khiân-thài〈受恩kap蒙恩〉宣揚真神ê恩愛kap信實；Beh 得tio̍h上帝ê國，tio̍h重頭生，beh得tio̍h上帝ê義，只有信靠主，耶穌基督ê救恩。Tâm Thiam-teng（陳添登）〈Bo̍h得批評lâng〉。照聖經馬太7：1—5教示，bo̍h得批評lâng，也m̄-thang因為批評來影響正確ê意志、好事ê志向，koh khah m̄-thang因為批評生起無必要ê煩惱。An-seng譯〈無祈禱ê傳道者是現代ê危險〉，無祈禱ê傳道者就ōe慇勤tī別項事；tng咱祈禱ê時，上帝就開始工作，咱對祈禱所收割ê是bē算得koh bē-thang估價。U. C.譯〈上帝用無完全ê人〉。Tân Kim-jiân（陳金然）〈In所穿ê〉，研究聖經中所記載聖經時代ê穿插kap chng-thāⁿ。Chan Siù-hōng（曾秀鳯）〈福音傳到普天下〉。Lô͘ Bān-tek（盧萬德）譯，〈保羅傳〉（待續），繼續介紹聖經人物保羅，chit期講第十二章：第二次傳道旅行凱旋雅典ê論戰，第一單元：拒絕總督Ka-liû ê 審判，信教自由ê承認。另外，見證故事1篇，A. S. 譯〈蘇聯傘兵Tiong-ùi得救〉，蘇聯傘兵Tiong-ùi「A-le̍k-san-leng-ko」歸正基督koh大力宣揚基督福音ê見證故事。（文/Bo̍k ilī）