Chit份資料ê內容，靈修、教理教示ê文章有7篇：Ông Siú-ióng（王守勇）〈老母〉，老母是家庭ê至寶，是上帝所賞賜人類偉大ê恩人；tio̍h孝敬你ê老母，感謝你ê老母，榮耀你ê老母來榮光主。Lí Iok-hān（李約翰）〈母親節ê意義〉，tio̍h盡力用信仰來建設家庭，孝敬pē母是上帝所賜福ê家庭，求主幫贊咱建立基督化家庭thang榮光伊。Lí Lân-hong〈聖神降臨ê時〉。〈Oa̍t倒轉親像囡仔無koh再做囡仔〉，Un-chō͘譯自Showers of Blesseng，tio̍h oa̍t倒轉親像囡仔ê款式，因為天國ê人是親像囡仔ê款。Gô͘ Khun-ian〈主看1日親像1千年，1千年親像1日〉，主ê教示講：時iáu是日--時，咱tio̍h做差我--ê ê工，暝時beh到，就無人ē做工。To-ka譯，〈偉大ê女性〉，譯自《Thian-niû月刊》，聖經中有chōe-chōe女性歡喜hō͘主差用，chiâⁿ做偉大ê女性，今仔日主猶原siāng款beh用婦人人，ǹg望咱chiâⁿ做1 ê現代偉大ê女性。Lô͘ Bān-tek（盧萬德）譯，〈保羅傳〉（待續），繼續介紹聖經人物保羅，chit期講第十章ê「帖撒羅尼迦教會ê短處」kap「馬其頓傳道ê成功」。用喻道故事、見證做教理教示ê文章4篇：Se̍k-le̍k Iok-hān譯，〈Hun-nî所發起ê大奮興〉，佈道家Hun-nî ê大奮興ê佈道事蹟。T. L. C.〈宣傳福音ê心得〉。〈走真遠也是定罪〉，只有主耶穌ē救你ê罪ê喻道故事。Lí Lân-hong〈有牆圍tī四圍〉。其他koh有：Âng Siok-kheng〈快樂ê物配〉，分享煮食ê經驗kap食譜1篇。家事常識1篇，A. S.〈Tng你beh使用玻璃器具ê時〉。（文/Bo̍k ilī）