Chit份資料ê內容有：T. K. H.〈默想〉，馬太24：35。詩1首，T. K. H.（無題名）：主，祢ê話是1 pha光燈……。San-sek Kun-pêng〈對聖經ê態度〉。Ông Bêng-tō（王明道）〈光滑ê石仔〉，運用大衛用「光滑ê石仔」phah死以色列全軍lóng驚惶ê歌利亞ê聖經故事來做教理ê教示。接落去是連載Charles M. Seldon作，Chiu Lī-an編譯，〈若是主beh cháiⁿ-iūⁿ 做？〉（4），本文講到第四章：若有人愛tòe我，就tio̍h看無ka-kī，日日giâ伊ê十字架來tòe我。Koh來是人物紹介，Chiu An-kî對Reader’s Digest 取材，介紹1位現代人物 〈Lo̍k-hoe-lah二世〉，本文所beh介紹ê是1位對社會對世界有大貢獻ê基督徒Lo̍k-hoe-lah二世（John D. Rockefeller, Jr.），伊ê老pē，人稱伊做「煤油大王」。後面是Bō͘ Thian-un〈聖經kap世界〉，本文講者Bō͘ Thian-un是漢字聖經公會東南亞ê巡迴幹事，伊tī今年（1957）5月來台灣視察訪問嘉義ê時ê講演筆錄。繼續是福音故事，〈只有1條路〉，Lú-bí對500 ê福音故事譯，。Liāu Tit（廖得）〈68回憶錄〉，廖得牧師ê回憶錄（連載），chit期講：恆春ka-lé。另外1篇歌劇本，Koeh Soan-jîn（郭宣仁）作〈聖子降誕〉（歌劇）。其他，服務欄：求人，求職ê啟事kap讀者奉獻舊郵票。最後是聖經問題：〈撒迦利亞〉、前期答案：〈哈該〉。（文/Bo̍k ilī）