Chit份資料ê內容是聖經公會所做ê台語聖經翻譯之一，其中新約聖經當中ê馬可福音書單卷ê試讀本，lóng總16章，koh台語譯本ê漢字kap羅馬字合印ê方式呈現。現代台語ê聖經譯本是根據Nida所提出ê「功能對等」（functional equivalence）ê原則，認為翻譯者ê任務是beh為現代ê讀者再現原文讀者所得tio̍h ê信息；所以，現代台語ê聖經譯本強調「功能對等」ê原則，用現代ê語言上自然ê表達法來翻譯經文，ē比早期注重「形式對應」（formal correspondence）ê理論所翻譯ê經文khah正確、完整，mā hō͘現代人khah容易明瞭。另外，chit本譯本所採用ê語音是khah偏台北腔，kap早期ê台語聖經「巴克禮譯本」，採用19世紀ê廈門話，kap採取早期「形式對應」ê翻譯原則，是chit本聖經kap巴克禮譯本精差 ê所在。其中，本文tī羅馬字下面有畫線ê字是新譯字詞kap無照原來ê讀音發聲ê字，若是漢字下面有畫雙線ê字是表示地名kap人名。（文/Bo̍k ilī）