Chit份資料ê內容有：亞洲基督教藝術圖畫1幅。消息報導2條：〈流氓治國，金權政治〉。〈香港宗教界ê驚惶〉，1997年香港beh還中國，香港宗教界真驚惶。氣象台專欄：Tō͘ Lâm-hêng杜南橫 〈分財產，考驗信仰〉，對台灣教會公報2108期第4版譯，1 ê老會友做生日感謝禮拜後，留牧師kap序細，ǹg in宣佈beh分財產，請牧師做公親，牧師真意外接tio̍h chit件事，就tī老會友iáu-bōe開始財產處置進前，代先要求ta̍k-ke手牽手圍1 ê圓kho͘ 仔，照大細漢ê順序輪流開聲祈禱，最後是牧師ê祈禱；其中有人無需要，有人主張ka-kī ê份額就好，路尾，老pē就照ta̍k人祈禱ê分財產，伊koh將無需要ê囡仔ê部份捐出來做獎助學金kap急難救助金交hō͘ 教會處理。本期主題：〈笑破人ê chhùi－笑話專輯：有分做〈Iû-thài chhiò-ōe/ 猶太笑話〉，8條，本頁邊註：Kiān-ūi chéng-tn̂g（健胃整腸）；〈Á-tah á-tah chhiò-ōe/ 阿達笑話〉，8條，本頁邊註：Pang-chō͘ siau-hòa （幫助消化）；〈Chèng-tī chhiò-ōe/ 政治笑話〉，政治笑話資料是對李南衡作品和口述，本刊改寫：6條，本頁邊註：Pî-thó͘ tōa-khui （脾土大開）；〈Tâi-oân chhiò-ōe/ 台灣笑話〉，6條，本頁邊註： Khì siong kái ut（去傷解鬱）；Chong-kàu chhiò-ōe/ 宗教笑話〉，5條，最後chit-ê笑話由黃武東作品改寫，本頁邊註：Khai-heng lī-keh。最後，〈俗語mā真khoe-hâi（詼諧）〉，改寫各國俗語，15條。其他koh有〈To-siā, to-siā. 多謝，多謝〉，主編tī頂期宣佈beh停刊，iáu有讀者寄錢來請求續刊，目前前途不明，主編代先感謝長期支持ê讀者，kap列名感謝辛苦ê工作人員。（文/Bo̍k ilī）