Chit份資料ê內容有：亞洲基督教藝術圖畫1幅，消息2條，文章5篇，詩1首。其中，消息報導有：〈Iau餓30（飢餓30）〉。〈Tè面具ê禮拜〉。氣象台專欄，〈車諾堡6年後〉，（本文由今年4月26日中國時報取材），車諾堡核災發生6冬，因為輻射線污染ê地區、致病死亡人數iáu teh增加，造成ê環境污染ài規千冬chiah-ē降低到目前ê千分之一；咱台灣ê地理環境、人為能力lóng無適合發展核能。 本期主題有：改寫譯作詩，〈落去，天使！〉（從黑人的詩〈下去，死神〉改寫，原作者James Weldon Johnson，由志文出版社《死的況味》一書摘出改寫）；改寫內容講tio̍h上帝差遣天使講：落去到屏東南州ê Khe-lâm-chhoan，將已經勞苦真久，iah-leh忍受痛苦kap試煉ê Gio̍k-lân chhōa tńg來我chia。譯寫囡仔古，〈Put-sú sian-jîn（不死仙人）ê悲哀〉（由志文出版社《死的況味》一書節譯。），出名ê囡仔古《Ka-lí-bō iû-kì（格利佛遊記），傳說講tī某1所在有1種永遠bōe死ê「不死仙人」，總是「不死仙人」ê生活實況是無chi̍h-chām ê苦境，tio̍h像本文副標插圖（Gī-jîn 義仁畫），〈Put-sú sian-jîn（不死仙人）〉：Ta̍k-ê人lóng有避風港，kan-ta阮入港無望。Koh 1篇文章，〈幫贊病人死了khah有意義〉節譯自David Carroll著《Living With Dying》一書（中譯《生死大事》遠流出版），主要teh講án-chóaⁿ幫贊beh死ê病人，抑是beh死ê病人án-chóaⁿ hō͘ ka-kī死了khah有意義，摘錄幾項方式ê要點。最後2篇短文：〈為入港ê船仔歡喜〉，譯自國家出版社《猶太五千年的智慧》119頁〈死亡〉。Tân Gī-jîn（陳義仁）〈付出ê人生，m̄驚死〉，咱若lia̍h「付出、分享」做人生ê意義kap滿足，就khah bē驚死，因為咱無sím-mi̍h thang迷戀，無致意世間ê人所追求beh得tio̍h ê一切，所以m̄驚失落、m̄驚死。（文/Bo̍k ilī）