Chit份資料ê內容有：亞洲基督教藝術圖畫1幅，消息2條，文章7篇。其中，消息報導有：〈中共看基督教做眼中釘〉。〈講pē母話運動〉，由Ko Chùn-bêng（高俊明）、Tēⁿ Jî-gio̍k（鄭兒玉）、Iûⁿ Khé-siū（楊啟壽）3位牧師所發起ê。圖片: 蘇聯車諾堡核能發電廠事故 11個月後所生落來ê囡仔。氣象台專欄，Tân Gī-jîn（陳義仁）〈扭曲人性ê手〉，tī「美麗島事件」kap「偷藏施明德事件」hit-chūn，作者tī雜誌報出來ê高俊明牧師ê相片，看起來橫惡霸面、土匪仔款，kap在來所看ê英國紳士形完全無仝，若是「領袖」、「民族救星」tio̍h塑造出慈祥、親民ê形象，目的beh hō͘人民感覺hiah-ê所謂政治犯抑是相關人士，就是生做hit款pháiⁿ人款，是pháiⁿ人、是全民ê對敵，駡in是賊、匪，tio̍h對in喝「刣」，kap希特勒塑造猶太人ê形象手法仝款，致使人民美好ê人性受扭曲（choān kah oai-ko-chhī-chhoa̍h）。 Gô͘ Sêng （吳晟）〈農婦〉，對吳晟所寫〈農婦〉chit本冊節譯，原漢文出版者是洪範書店；本文節譯5篇：〈了尾仔〉，勤儉ê阿母若看序小thó-chè、浪費ê時，tio̍h用「了尾仔」指責hit款伊感覺浪費ê行為。〈開放式ê家庭〉，阿母厝後ê果子園，mā是作者kap囡仔伴ê樂園，來厝sńg兼有thang食，展現主人家歡喜分享、無自私情懷。〈Pháiⁿ收成，望後冬〉，描寫作穡人望天田ê無奈。〈爭執〉，因為豬仔囝引起ê爭執，農婦講目的mā是ǹg望thang增加一寡收入，應付家庭ê需要。時代進步，無人koh teh khioh大肥，人一直kā土地提取，lóng無還hō͘土地，kan-ta依賴化學肥， 結果造成土地ê傷害，án-ne到底是進步抑是退步。最後，Hô-má（河馬）寫〈San．bîn．chû．í， û．tâng．sô͘．chong（三民主義，吾黨所宗）〉，本文對2089期ê《台灣教會公報》節譯。作者kap侄仔去西門町看電影，唱國歌ê時無khiā起來，散場了後tī街路hō͘人攔截phah koh chàm，警告伊後pái唱國歌tio̍h ài khiā起來。（文/Bo̍k ilī）