Chit份資料ê內容有：亞洲基督教藝術圖畫1幅、木刻版畫6幅，消息2條，文章4篇。其中，消息報導有：〈反對核能發電〉。〈婦女環保運動〉。氣象台專欄，Chiu Kim-choân（周金全）〈小心看電視、報紙〉，台灣大眾傳達工具，in上愛報、上愛講ê就是出名ê人講ê話，享樂ê代誌、奇巧ê代誌、掩護政府ê錯誤、眾人愛看ê內容……；khah無teh想講所報是m̄是有價值、有實在，抑是對人有利益。咱看報紙、雜誌、特別是看電視，愛有1寡基本ê判斷，m̄是收視率第一就是上好ê，m̄是電視一直teh講ê就是tio̍h ê；小可去了解一下大眾傳達工具ê立場，上好咱ē-hiáu多方面去chhōe好ê、ka-kī需要ê來看，無論報紙、電視、雜誌，抑是錄影帶。本期主題2篇譯文，〈搶救地球〉，本文由 《搶救地球的五十簡則》摘譯，原作者JANNA，中文譯者林俊義博士，中文版「時報出版公司」出版。Koh 1篇是〈急救臭氧層〉（本文取材自《搶救地球的五十簡則》、《環保小百科》兩書）。地球ê表面有1層臭氣層，ē-tàng吸收日光內面ê紫外線，hō͘地球ê生物bōe受tio̍h傷害，甚至致命。臭氧層被破壞是1種人造ê化學氣體叫做氟氯烷造成ê；chit種氟氯烷己經存在tī全世界、各家庭kap辦公室ê中間。Beh án-chóaⁿ hō͘臭氧層免受tio̍h破壞che是人類所面對上大ê挑戰之一。另外，第3～7頁有木刻版畫6幅。最後，〈囡仔hō͘ pē母ê 10條誡〉，（節譯自《奧福音樂世界》），提供pē母看出囡仔ê想法kap感覺。（文/Bo̍k ilī）