Chit份資料ê內容有：亞洲基督教藝術圖畫1幅，消息1條，文章4篇。其中，消息報導有：〈中國教協加入普世教協無理要求〉（本消息全部對《台灣教會公報》取材），中國教協加入普世教協ê附帶條件是台灣教會名稱ê後面ài寫「中國ê台灣」，台灣教會表示絕對bē-tàng接受，經過台灣ê代表努力向其他國家ê代表說明，得tio̍h支持，chiah hō͘中國放棄附帶條件加入會員。氣象台專欄，Tân Gī-jîn（陳義仁）〈女性m̄是弱者〉，上帝所賞賜hō͘ 人ê，m̄-nā是肉體ê氣力，koh有真chē方面ê才調kap特點，尤其是文明發展到chit-chūn，運用體力ê工ná少，若kap男性相比除了體力以外，女性實在m̄是弱者。本期主題文章2篇：Tân Gī-jîn（陳義仁）〈罔市仔ê一生〉，內文是作者對告別禮拜程序單內面「故人略歷」，簡介kah真簡單ê「故人」有感，所寫「罔市仔」對出世到別世ê一生。另外1篇，Ko Thian-hiong（高天香）〈女性運動管見〉（原漢文刊於1974美東夏令會論文集），女權運動也叫做女性改解放運動，是beh對束縛女性ê制度、習慣、風俗、觀念、態度解放出來。Tân Gī-jîn（陳義仁）〈台灣教會俗語小集3（Tâi-oân kàu-hōe sio̍k-gú)〉，編者由教會特長、會友、讀者所提供ê教會俗語、鬥句，所講ê lóng kap教會景況抑是人物有關係。（文/Bo̍k ilī）