Chit份資料無目次，內容有：〈新而獨立ê國家，有神學基礎〉報導1990年7月 tī美國加州舉行ê台灣前途kap宣教合作會議，討論按怎通過宣教來實現新koh獨立ê國家，chit-ê課題真重要，有神學基礎、也是教會ài繼續關心ê目標。〈台灣文化ê復活〉，以前若講台灣話會見笑、歹勢，chit-má人開始自覺，講母語是榮光ê事；過去有人討厭民間傳統藝術，致使失傳，chit-má chiah需要學習。Tân Gī-jîn （陳義仁）〈減看電視，ke做其他活動〉，建議看電視揀有意義抑是有趣味研究ê節目就好，時間用來讀聖經、讀冊、kap朋友做伙學習工藝抑是唱歌、學南管、車鼓、摃槌仔球，ē khah有意思。Tân Gī-jîn （陳義仁）〈台灣教會俗語小集〉是1篇gia̍t-khiat ê短文。另外，koh有3篇kap老人相關主題ê文章，〈享受老年〉（摘譯自《Enjoy lod age》（享受老年））、Gô͘ Tong-phek（吳東璧）〈做快樂ê老人〉、〈老人ê價值〉，鼓勵老人面對年老，接受年老ê事實，保持kap人互動，學習新事物，自我肯定身為老人ê價值。（文/Bo̍k ilī）