Chit份資料ê內容有：亞洲基督教藝術圖畫1幅，消息2條，文章5篇。其中，消息報導有：〈2000年福音運動〉。〈宗教界為死刑犯請命〉。後面ê專欄是氣象台，Tân Gī-jîn（陳義仁）〈粗俗話也tio̍h保留〉，語言ê媠，也包含駡人kap粗俗ê話，媠無一定文雅，若是chhoh-kàn-kiāu ê chit款也是mài講khah好；駡人ê效果kap講話語氣、態度有大關係，講話beh kòa-khau kòa-sé，koh khah文雅ê話語也ē刺chhat人ê心；粗俗ê話也有語言ê súi，咱若態度良善，斟酌使用，chiah-ê話也值得咱保留來講。Koh來是本期主題，〈〔台灣俗語之美〕Tâi-oân sio̍k-gú ê súi〉1 kap 2 條列kúi-nā條台灣俗語、語詞；第七頁：〈〔台灣俗語之美〕Tâi-oân sio̍k-gú ê súi〉3，是編者Tân Gī-jîn（陳義仁）編集ê〈台灣教會俗語小集3（Tâi-oân kàu-hōe sio̍k-gú)〉，主要紹介tī民間一般khah無teh使用，tī教會內卻真chia̍p聽tio̍h抑是bat teh講ê用語、語詞。最後1篇是靈修文，〈選擇重要ê〉，金錢、名聲、地位、學問……準講chiah-ê對人生是重要，也kan-ta ē-tàng排上帝、疼、公義、良善、親情、活命ê後壁nā-tiāⁿ；有時間ê時，咱ē-hiáu選擇khah chia̍p（khah愛）kap上帝交陪、探訪破病ê人、chhōe需要安慰ê朋友開講、參加ta̍k種ê造就會……，khah少去看phah球比賽、看電影、電視、se̍h百貨公司、phah電動玩具……，án-ne，上帝會對咱講:「你有選擇tio̍h khah重要ê」。（文/Bo̍k ilī）