Chit份資料ê內容有：亞洲基督教藝術圖畫1幅，文章6篇，笑詼2篇，台語診所語詞4條。對第一頁ê消息報導，〈選舉淨化運動〉，台灣選舉買票嚴重，呂秀蓮小姐發起『淨化選舉聯盟』，大力宣傳m̄-thang買票、賣票，koh成立「檢舉舞弊中心」。〈長老教會對選舉ê呼籲〉。接落去是氣象台專欄，Tân Gī-jîn（陳義仁）〈你是恁孫上好ê台語老師〉，提醒、鼓勵老序大，毋免自卑，ài有自信，台語真媠，請咱負起教囡仔講台語ê責任。Koh來是本期主題，讀經，何克禮〈如何了解耶穌ê比喻？〉，beh了解耶穌ê比喻代先ài研究每1 ê比喻ê前後文關係kap背景，koh ài lia̍h-tio̍h比喻所beh教示ê主要ê真理，而且m̄-thang將比喻增加無必要ê話屎（「畫蛇添足」），因為比喻是為tio̍h beh說明教義，m̄是beh做教義，最後懇求上帝賞賜咱屬靈ê了解。預告後期主題：「台灣人ê好風俗」。環保議題，〈殺蟲劑是phang水包裝ê農藥〉，本文是對《一百分媽媽》節譯出來ê，原作者是má í-kong（馬以工）。另外koh 1篇短文，chheng-chôaⁿ（清泉）〈金錢kap活命〉。其他有「 Á-tah á-tah笑話」 2篇：〈Nn̄g種命運〉、〈起初ê問題〉。上尾是台語診所，4條語詞， chit-ê小專欄是teh介紹台語語詞正確讀音，比如環境/khoân-kéng（m̄-sī hoân）。（文/Bo̍k ilī）