Chit份資料是李傳牧師記寫ê講道筆記手稿4篇；主要lóng是根據聖經ê經文，配合講道ê主題，koh 安排3-4首beh hō͘ 會眾吟唱ê聖詩，記寫beh ǹg信徒宣講ê教理內容；〈爾曹往普天下傳福音與萬民〉，主要ê聖經經文是馬太福音16：15，che是耶穌升天進前對門徒交代ê話，ài基督ê信徒tio̍h明白主ê教示，基督徒是地上ê鹽，基督徒是光，tio̍h日日做傳道理ê事工。〈同得福音的好處〉主要ê經文是前哥（歌林多前書）9：23，本文teh講福音有：「得救ê福音」、「和平ê福音」、「生命ê福音」、「榮光ê福音」ê好處，世上ê事ē過去，總是福音beh永遠存在。〈十字架的路〉，主要ê經文是上撒（撒母耳記上卷）2：6-8，十字架主要ê路，是人子（主耶穌）得榮光ê路，是基督為拯救世人所不可避免ê路，十字架ê路也是基督徒得tio̍h榮光ê路。〈當尊耶和華為大〉，主要ê經文是上撒（撒母耳記上卷）5：1-5，本文無記了。另外，本資料koh有2篇〈祈禱〉，是作者寫ê祈禱文。（文/Bo̍k ilī）